जामखेड पोलीसांची धडाकेबाज कामगिरी, पाटोदा तालुक्यात जाणारा 53 लाखांचा गुटखा जामखेड पोलीसांनी पकडला
जामखेड वरून बीड जिल्ह्यातील पाटोदा तालुक्यातपान मसाला गुटखा व तंबाखु घेऊन आयशर टेम्पो चाललेला असताना जामखेड पोलीसांनी नायरा पेट्रोल पंपांजवळ पकडला असता यात सुमारे ५२,९४,६४० रूपये किंमतीचा पान मसाला गुटखा आढळून आला जामखेड पोलीस स्टेशनला एक जणांविरोधात गुन्हा दाखल करण्यात आला आहे.
याबाबत जामखेड पोलिसांकडून मिळालेली माहिती अशी की, दि. २७/०९/२०२५ रोजी पोलीस निरीक्षक दशरथ चौधरी यांना हे पथकासमवेत गस्त करत असताना गोपनिय बातमीदार मार्फत बातमी मिळाली की, माहीजळगाव गावाकडून एक केशरी रंगाचा महिंद्रा कंपनीचा सहा चाकी मिनी कंटेनर येत असून त्यामध्ये गुटखा आहे अशी माहिती मिळाली होती.
खात्रीशीर बातमी मिळालेने पोलीस निरीक्षक दशरथ चौधरी यांचे समवेत रात्रगस्तचे अधिकारी पोसई गावडे, पोकॉ/ ७५४ कुलदीप पांडुरंग घोळवे, पोकों / २४२७ देवीदास पळसे, चालकपोकों / ४६० महादेव मिसाळ, होमगार्ड / ३४१६ संदिप चव्हाण असे कारवाई कामी रवाना झाले.
वरील पोलीस पथक अरणगाव ता. जामखेड गावात पहाटे ०४ / ३० वा. चे सुमारास मिळालेले माहीती प्रमाणे नमुद ठिकाणी येवून थांबले असता, एक संशयीत आयशर टेम्पो अरणगावकडे येत आसताना दिसला. बातमीमील नमुद माहिती प्रमाणे सदरचा आयशर टेम्पो आहे अशी पोलीस पथकाची खात्री झाले नंतर नायरा पेट्रोल पंपाशेजारी आयशरटॅम्पो चालकास हात दाखवून टेम्पो थांबवून त्यास त्याचे नाव गाव विचारला असता,त्याने स्वतःचे नाव वैभव अशोक घायाळ वय २६ वर्षे रा. गवळवाडी ता. पाटोदा जि. बीड असे असल्याचे सांगीतले. सदरच्या आयशर टेम्पो नंबर एम.एच. १२ वाय. बी. ०८२३ मध्ये असलेल्या माला विषयी आयशर टेम्पो चालक यांचेकडे विचारपुस केली असता,आयशर टेम्पो चालक याने त्यामध्ये गुटखा असलेचे सांगीतले. टेम्पोमध्ये पान मसाला गुटखा व तंबाखु असलेची पोलीस पथकाची खात्री झालेनंतर चालकास टेम्पोसह ताब्येत घेवून जामखेड पोलीस स्टेशन येथे आणून आयशर टेम्पोची सपोनि नंदकुमार सोनवलकर यांनी दोन पंचासमक्ष तपासणी केलीअसता.
त्यामध्ये ३४,९४,६४० /- रू किमंतीचा हिरा कंपनीचा पान मसाला व तंबाखू गुटखा मिळून आला तसेच १८,००,०००/- रू किमंतीचा आयशर टेम्पो असा एकूण – ५२,९४,६४० /- रू किमंतीचा मुददेमाल मिळून आले नेस दरबाबत पोलीस कॉन्स्टेबल / ७५४ कुलदीप पांडुरंग घोळवे यांनी सरकार तर्फे फिर्याद देवून चालक नामे वैभव अशोक घायाळ वय २६ वर्षे रा. गवळवाडी ता. पाटोदा जि. बीड याचे विरूध्द जामखेड पोलीस स्टेशन येथे गुरं नं.५२७/२०२५ भारतीय न्याय संहिता कलम १२३, २२३, २७४, २७५, ३ ( ५ ) प्रमाणे गुन्हा दाखल केला आहे.
सदर गुन्हयाचा पुढील तपास सपोनि नंदकुमार सोनवलकर हे करत आहेत.सदरची कारवाई सोमनाथ घार्गे पोलीस अधिक्षक, अहिल्यानगर, वैभव कलुबर्मे, अप्पर पोलीस अधिक्षक अहिल्यानगर, प्रविणचंद्र लोखंडे, उपविभागीय पोलीस अधिकारी कर्जत विभाग, मा. किरणकुमार कबाडी, पोलीस निरीक्षक, स्थानिक गुन्हे शाखा यांचे मार्गदर्शनाखाली दशरथ चौधरी, पोलीस निरीक्षक, सपोनि नंदकुमार सोनवलकर, पोसई किशोर गावडे, पोकों कुलदीप पांडुरंग घोळवे, देवीदास पळसे, चालक महादेव मिसाळ, होमगार्ड संदिप चव्हाण यांचे सह मा. शिवाजी बंटेवाड पोलीस निरीक्षक, स्थानिक गुन्हे शाखा जि. बीड व पोलीस पथक यांनी केली आहे.
