जामखेड पोलीसांची अंमली पदार्थ (गांजा) विरोधात मोठी कारवाई
तालुक्यातील या गावात सापडला दोन लाखांचा गांजा
दोन दिवसांपूर्वी स्थानिक गुन्हे शाखा व जामखेड पोलीसांनी शहरात गांजा जप्त करत दोन आरोपींना अटक करण्यात आली होती. गुन्ह्याची तपासणी सुरू असताना आरोपींकडून मोठा खुलासा झाला व जामखेड तालुक्यातील रत्नापूर येथील विजय अशोक ढवळे याच्या शेतात २८.३० किलो वजनाचे १.९८ हजार किंमतीचे अंमली पदार्थ गांजा तपासा दरम्यान जप्त करत आरोपीस अटक केली आहे. यामुळे परिसरात एकच खळबळ उडाली आहे.
जामखेड पोलीसांनी आज रविवार दि. १२ रोजी १,९८,१००/- ०० रुपये किंमतीचे २८.३० किलो ग्रॅम ओले वजनाची मिश्रीत असलेला अंमली पदार्थ गांजा तपासा दरम्यान जप्त करत मोठी कारवाई केली आहे. यामुळे परिसरात एकच खळबळ उडाली आहे.
पोलिसांकडून मिळालेली माहिती अशी की, जामखेड पोलीस स्टेशन गुरनं. ५४७/२०२५ एन.डी.पी.एस.कायदा १९८५ चे कलम ८ (क), २० (ब) (ii) प्रमाणे तक्रारदार नामे पो.ना./ १५६६ शामसुंदर अंकुश जाधव, वय३५ वर्षे, नेमणुक स्थानिक गुन्हे शाखा, अहिल्यानगर यांचे तक्रारीवरुन
आरोपी नामे १) नितीन उर्फ कव्याधनसिंग पवार, वय ४२ वर्षे, २) निशा नितीन पवार, वय ३२ वर्षे, दोन्ही रा. कुंभारगल्ली गोरोबा टॉकिन जवळ जामखेड, ता. जामखेड, जि. अहिल्यानगर यांचे विरुध्द दिनांक ०९/१०/२०२५ रोजी वर नमूद प्रचलित कायद्यान्वये गुन्हा दाखल करण्यात आलेला आहे.
सदर गुन्ह्याचे तपासात यातील रिमांड मधील अटक आरोपी १) नितीन उर्फ कव्या धनसिंग पवार याने तपासा दरम्यान वर वर्णनाचे व किंमतीचे गांजाचे झाडे इसम नामे विजय अशोक ढवळे, रा. रत्नापुर, ता.जामखेड, जि. अहिल्यानगर याचे शेतातुन जप्त करण्यात आली आहेत.
सदरची कारवाई सोमनाथ घार्गे पोलीस अधीक्षक, अहिल्यानगर, वैभव कलुबर्मे, अपर पोलीस अधीक्षक, अहिल्यानगर व प्रविण लोखंडे उपविभागीय पोलीस अधिकारी कर्जत विभाग, यांचे सुचना व मार्गदर्शनाखाली जामखेड पोलीस स्टेशनचे पोलीस निरीक्षक दशरथ चौधरी, पोलीस उपनिरीक्षक किशोर गावडे, पो.हे.कॉ सोनवणे, पो.कॉ. ईश्वर माने, पोकों भागीरथ देशमाने, पोकॉ योगेश दळवी यांनी केली आहे.
