जामखेड प्रतिनिधी
जामखेड न्युज – – (सुदाम वराट)
कोरोना रूग्णांवर औषधोपचारासह चहा नाष्टा व दोन वेळच्या जेवणाची मोफत सोय करणार्‍या आरोळे कोविड सेंटरला मोठ्या प्रमाणावर मदत मिळवून देण्याचे काम मुलगा करत आहे. स्वतः ही मदत करत आहे हे पाहून आज मातृदिनाचे औचित्य पाहुन समाजसेवक रमेश (दादा) आजबे यांच्या मातोश्री इंदुबाई मुरलीधर आजबे यांनी आज आरोळे कोविड सेंटरला पंचवीस कॅरेट पेरू दिले.
कोरोना रूग्णांवर मोफत उपचार करणार्‍या आरोळे कोविड सेंटरला समाजसेवक रमेश ( दादा) आजबे यांनी आतापर्यंत मोठ्या प्रमाणावर मदत केली आहे तसेच परिसरातील दानशूर व्यक्तींना मदतीचे आवाहन करून परिसरातून मोठी मदतही मिळवली आहे. स्वतः आरोळे कोविड सेंटरला डस्टबीनचे वाटप, सॅनिटायझर व मास्कचे वाटप केले आहे. तसेच अनेक अनेक लोकांना मदतीने आवाहन केले त्यांच्या आवाहनाला प्रतिसाद देत परिसरातील नागरिकांनी मोठय़ा प्रमाणावर मदत केली आहे.
आज मातृदिनानिमित्त रमेश (दादा) आजबे यांच्या मातोश्री इंदुबाई मुरलीधर आजबे यांनी आरोळे कोविड सेंटरला पंचवीस कॅरेट पेरू दिले. मुलगा सतत समाजकार्य करतो आपणही काही तरी केले पाहिजे म्हणून लहान मुलगा चंद्रकांत आजबे याच्याशी चर्चा करून आरोळे कोविड सेंटरला मातृदिनानिमित्त पंचवीस कॅरेट पेरू दिले यावेळी रमेश आजबे म्हणाले की या आईचा मी मुलगा आहे याचा मला सार्थ अभिमान आहे.
