जामखेड न्युज——
महाविकास आघाडी सरकारचा काळात कर्जत जामखेड बाजार समितीला सापत्न वागणूक – आमदार प्रा. राम शिंदे
बाजार समितीचे सभापती शरद कार्ले यांचा पदग्रहण समारंभ संपन्न
कोरोना काळात संपुर्ण राज्यातील बाजार समित्यांना मुदतवाढ मिळाली असताना कर्जत जामखेड बाजार समितीवर प्रशासक लादून महाविकास आघाडी सरकारने सापत्न वागणूक दिली असे मत आमदार प्रा. राम शिंदे यांनी सांगितले.
आमदार प्रा राम शिंदे यांच्या अध्यक्षतेखाली बाजार समितीत सभापती शरद कार्ले यांचा पदग्रहण समारंभ संपन्न झाला यावेळी यावेळी सामाजिक कार्यकर्ते सचिन गायवळ, भाजपा तालुकाध्यक्ष अजय काशीद, पंचायत समितीचे माजी सभापती डॉ. भगवानराव मुरूमकर, रवी सुरवसे, ज्योती क्रांती पतसंस्थेचे चेअरमन आजीनाथ हजारे, अमित चिंतामणी, तुषार पवार, सोमनाथ राळेभात, सोमनाथ पाचारणे, बिभीषण धनवडे, व्यापारी असोसिएशनचे अध्यक्ष रमेश जरे, विनोद नवले, बाजार समितीचे सचिव वाहेद सय्यद सह नऊ संचालक सभापती शरद कार्ले, गौतम उतेकर, सचिन घुमरे, विष्णू भोंडवे,गणेश जगताप,वैजीनाथ पाटील, नंदकुमार गोरे,सिताराम ससाणे, रविंद्र हुलगुंडे यांच्या सह मनोज कुलकर्णी, लहू शिंदे, अंकुश शिंदे, महेंद्र बोरा, प्रा. कैलास माने, नागराज मुरूमकर, अँड संजय पारे, अभिजीत राळेभात, संजय कार्ले, प्रसिद्धी प्रमुख उद्धव हुलगुंडे, प्रविण चोरडिया, शहाजीराजे भोसले, राहुल उगले, सलीम बागवान, संपत राळेभात, बापुराव ढवळे, अँड बंकट बारवकर, गोरख घनवट, ठेकेदार राजू देशपांडे, बाळूशेठ बोथरा, श्रीराम डोके, ज्ञानेश्वर झेंडे, संदीप गायकवाड, अशोक देवकर, तात्याराम पोकळे, तुषार पवार, अँड प्रविण सानप, भारत उगले, दादासाहेब वारे, मच्छिंद्र गीते, भरत जगदाळे, ऋषी मोरे यांच्या सह शेतकरी व्यापारी व बाजार समितीचे कर्मचारी उपस्थित होते.
यावेळी बोलताना आमदार प्रा राम शिंदे म्हणाले की, बाजार समितीत समसमान जागा मिळाल्या असल्या तरी एकुण मतदान आपल्याला जास्त आहे. तसेच आपले नऊ एका विचारांचे आहेत समोरचे नऊ चार विचारांचे आहेत. जास्त दिवस ते एकत्रित राहणार नाहीत. सभापती व संचालक मंडळांनी शेतकरी हिताचे निर्णय घ्यावेत तसेच बाजार समितीत मुलभूत सुविधा उपलब्ध करण्यासाठी प्रयत्न करावेत असेही सांगितले.
जिल्हा बँकेचे संचालक यांना निवडणुकीत आम्ही मदत केली आहे तसेच प्रा. अरूण वराट यांच्या कृषी काँलेजची मान्यताही मी मिळवून दिली आहे.
जनतेचा कौल आपल्या बाजूने होता म्हणून ईश्वर चिठ्ठी आपलीच निघाली. मंत्री असताना बाजार समिती साठी मोठ्या प्रमाणावर निधी उपलब्ध करून दिला होता जलयुक्त शिवार अभियानांतर्गत मोठ्या प्रमाणात काम झाले म्हणून शेतकऱ्यांचे उत्पन्न वाढले व याचा फायदा बाजार समितीला झाला.
चौकट
गाडी अडवल्या शिवाय रस्ता नाही.
आमदार रोहित पवार यांचेच कार्यकर्ते त्यांची गाडी अडवत आहेत. आमदार त्यांना भेटत नाहीत व्हिडिओ व्हायरल झाल्यानंतर परत रात्री भेटण्यासाठी जातात. हे दुर्दैव आहे.
माझी गाडी अद्याप कोणीही अडवली नाही
आमदार प्रा. राम शिंदे
