जामखेड न्युज——-
गुणवत्ता धारक शिक्षक व विद्यार्थ्यांनी ल. ना. होशिंग चा सन्मान राज्य व राष्ट्रीय पातळीवर वाढवला – राजेश मोरे
वार्षिक पारितोषिक वितरण समारंभ मोठ्या उत्साहात संपन
गेल्या 75 वर्षापासून दि पिपल्स एज्युकेशन सोसायटीच्या ल. ना. होशिंग माध्यमिक व उच्च माध्यमिक विद्यालयातील अनेक गुणवंत शिक्षक व विद्यार्थ्यांनी शाळेचा नावलौकिक राज्य व राष्ट्रीय पातळीवर वाढवला आहे. यामुळे तालुक्याच्या नावलौकिकास भर पडली आहे असे मत माजी खजिनदार राजेश मोरे यांनी व्यक्त केले.
दि पिपल्स एज्युकेशन सोसायटीच्या ल. ना. होशिंग माध्यमिक व उच्च माध्यमिक विद्यालयात वार्षिक पारितोषिक वितरण समारंभ मोठ्या उत्साहात संपन्न झाला यावेळी राजेश मोरे बोलत होते.
कार्यक्रमाचे अध्यक्ष संस्थेचे सचिव अरूणशेठ चिंतामणी तर प्रमुख पाहुणे म्हणून जामखेड महाविद्यालयाचे प्राचार्य डॉ. सुनील पुराणे होते. यावेळी संस्थेचे सहसचिव डॉ. सुनील कटारिया, संचालक दिपक होशिंग, डॉ. प्रताप गायकवाड, शिवाजी कासार, माजी खजिनदार राजेश मोरे, सैफुल्ला खान, प्राचार्य बी ए. पारखे, माजी प्राचार्य रमेश अडसुळ, शहाजी वायकर, उपप्राचार्य प्रा. युवराज भोसले, हनुमंत महाराज निकम, उप मुख्याध्यापक दत्तात्रय राजमाने, उगले नाना, वैभव कुलकर्णी, समारंभ विभाग प्रमुख नरेंद्र डहाळे, आदित्य देशमुख यांच्या सह अनेक गुणवंत शिक्षक विद्यार्थी व पालक मोठ्या संख्येने उपस्थित होते.
यावेळी बोलताना राजेश मोरे म्हणाले की, आपल्या गुणवत्तेने अनेक शिक्षक व विद्यार्थ्यांनी आपला ठसा राज्यात नव्हे तर देशात उमटवला आहे.
यावेळी प्रमुख पाहुणे म्हणून जामखेड महाविद्यालयाचे प्राचार्य डॉ सुनील पुराणे म्हणाले की, पारितोषिक वितरण हे निमित्त असते यामुळे बाकी विद्यार्थ्यांना प्रेरणा मिळते. विद्यार्थ्यांनी आपल्या आवडीच्या क्षेत्रात आपले नावलौकिक करावे तसेच यशस्वी जीवनासाठी आपल्या पाल्यांना नियमित शाळा महाविद्यालयात पाठवावे
येथे शिक्षकच पैलू पाडण्याचे काम करतात.
