सरपंच पतीवर जीवघेणा हल्ला प्रकरणी उपसरपंचचासह दोघांना अटक
जामखेड तालुक्यातील जातेगाव येथे शेतातील जनावरांसाठी ठेवलेला भुसा तसेच सरपंच का पेटवले याचा जाब विचारल्यामुळे राग येऊन आरोपींनी साक्षिदाराची गंचाडी धरली व दमदाटी केले त्यामुळे फिर्यादी व साक्षीदार हे खर्डा येथे तक्रार दाखल करण्यासाठी जात असताना आरोपींनी सरपंच पती व मुलाला लाथाबुक्यांनी, दगडाने तसेच कुऱ्हाडीच्या तुंब्याने मारहाण करून गंभीर जखमी केले. तशी फिर्याद खर्डा पोलीस स्टेशनला दाखल करण्यात आली आहे. खर्डा पोलीसांनी उपसरपंचचासह दोघांना अटक केली आहे.
खर्डा पोलीसांकडून मिळालेली माहिती अशी की, फिर्यादी गणेश पांडुरंग गायकवाड. वय-45 वर्षे. धंदा-शेती. रा- जातेगाव. ता-जामखेड. जि-अहिल्यानगर यांनी म्हटले आहे की, शेतातील जनावरांचा भुसा तसेच सरपण का पेटवले याचा जाब विचारल्यामुळे गंचाडी धरून दमदाटी केली आम्ही खर्डा येथे तक्रार दाखल करण्यासाठी जात असताना वाटेत मोटारसायकलला आडवे येऊन आरोपी 1)युवराज अमृत पाटील, 2)शिवराज कमलाकर पाटील, 3)रविराज कमलाकर पाटील,4)अमृत भिकाजीराव पाटील सर्व रा-जातेगाव. ता-जामखेड. जि – अहिल्यानगर यांनी दगड लाथाबुक्यांनी तसेच कुऱ्हाडीच्या तुंब्याने जीवघेणा हल्ला केला यात फिर्यादी गणेश पांडुरंग गायकवाड व त्याचे वडील पांडुरंग किसन गायकवाड हे गंभीर जखमी झाले आहेत सध्या ते जामखेड येथे एका खासगी रुग्णालयात उपचार घेत आहेत.
यातील आरोपी युवराज गायकवाड पाटील व रविराज गायकवाड पाटील यांना अटक करण्यात आली आहे. आरोपींना अटक करण्याकामी सहाय्यक पोलीस निरीक्षक विजय झंजाड यांच्या मार्गदर्शनाखाली पोलीस हवालदार संभाजी शेंडे, पोलीस अंमलदार पंडित हंबर्डे, शशिकांत म्हस्के, विष्णू आवारे यांनी कार्यवाही केली.
रविवार दि. २ रोजी जातेगाव येथे फिर्यादी हे आरोपी क्र.3 यास तु शेतामधील सरपण पेटविल्यामुळे आमच्या शेतामधील जनावरासाठी ठेवलेला भुसा जळाला आहे असे समजावुन सांगत असताना साक्षीदार पांडुरंग गायकवाड यांची गचांडी धरली होती.
त्यानंतर फिर्यादी व साक्षीदार हे मोटार सायकल वरून खर्डा येथे जात असताना यातील आरोपी हे मोटार सायकल वरून फिर्यादीचे मोटार सायकलला आडवी लावुन आरोपी क्र.1 याने फिर्यादीचे वडीलांना लाथाबुक्यांनी मारहाण केली व आरोपी क्र.2 याने त्यांचे उजवे हाताचे मनगटावर कु-हाडीच्या तुंब्याने मारून गंभीर दुखापत केली.ते ओरडु लागल्यामुळे फिर्यादी सोडविण्यास गेले असता दुस-या मोटार साकल वरून आलेले आरोपी क्र.3 व 4 यांनी अंगावर धावुन जावुन आरोपी क्र.3 याने हातात दगड घेवुन फिर्यादीचे डावे बरगडीवर,मानेवर मारून दुखापत केली.
आरोपी क्र.4 याने फिर्यादीचे वडील पांडुरंग यांचे उजवे खुब्यावर दगड मारून जखमी केले आहे.फिर्यादीचे वडील मोठमोठ्याने ओरडु लागल्यामुळे आरोपी क्र.1 ते 4 हे त्या ठिकाणावरून पळुन गेले. अशी फिर्याद खर्डा पोलीस स्टेशनला दाखल करण्यात आली आहे.
वरील घटनेचा तपास सहाय्यक पोलीस निरीक्षक विजय झंजाड यांच्या मार्गदर्शनाखाली पोलीस हेड कॉन्स्टेबल संभाजी शेंडे करत आहेत.