संतसहवासाचा महिमा शब्दात वर्णन करता येत नाही – हभप न्यायाचार्य सत्यवान महाराज लाटे  वै. रामचंद्र बोधले महाराज पुण्यतिथी निमित्त साकत येथे अखंड हरिनाम सप्ताह

आलिंगनें घडे ।
मोक्ष सायुज्यता जोडे ॥१॥
ऐसा संताचा महिमा ।
जाली बोलायाची सीमा ॥ध्रु.॥
तीर्थे पर्वकाळ ।
अवघीं पायांपें सकळ ॥२॥
तुका म्हणे देवा ।
त्यांची केली पावे सेवा ॥३॥

अर्थ
संतांच्या अलिंगनाने, सहवासाने सायुज्य मोक्षाची प्राप्ति होते .अशा संतसहवासाचा महिमा शब्दातून वर्णन करतांना शब्द अपुरे पडतात .संतांच्या पायाशी सर्व तीर्थ व पर्वकाळ एकवटलेले असतात .तुकाराम महाराज म्हणतात, म्हणूनच संतचरणांची सेवा करावी .