प्रा. मधुकर राळेभात व नगरसेवक दिंगाबर चव्हाण यांनी स्वच्छता अभियान बनवली लोकचळवळ

 स्वच्छ सर्वेक्षण २०२१ मध्ये जामखेड शहराचा पहिल्या पाचमध्ये नंबर आणण्यासाठी व आमदार रोहित पवार व त्यांच्या मातोश्री सुनंदाताई पवार यांच्या स्वप्नातील जामखेड बनवण्यासाठी स्वच्छ जामखेड सुंदर जामखेड व हरित जामखेड प्रा. मधुकर राळेभात व दिंगाबर चव्हाण मित्रमंडळाच्या वतीने गेल्या बारा दिवसांपासून शहरातील जनतेला एकत्र करत दररोज सकाळी दोन तास श्रमदान करतात यामुळे परिसर चकाचक झाला आहे व स्वच्छता हि लोकचळवळ बनवली आहे.

    सायंकाळी व्हाॅटस्अॅप वर उद्या सकाळी कोठे जमायचे कोणत्या भागातील स्वच्छता करावयाची हा मेसेज टाकला जातो व सकाळी आठ वाजता नागरिक ठरल्या ठिकाणी वेळेवर हजर राहतात व स्वच्छतेला सुरूवात होते. आज बारा दिवस झाले हा नित्य क्रम सुरू आहे.

    नगरसेवक दिंगाबर चव्हाण हे प्रभाग दोनचे सर्वाधिक मताधिक्याने विजयी झालेले नगरसेवक आहेत. ते नेहमी जनतेच्या अडीअडचणीच्या वेळी बरोबर असतात. प्रभागातील कोणतीही अडचण असली की ते स्वतः सर्वात पुढे असतात कधी कधी तर स्वतः नाली साफसफाई करण्याचे काम करतात. तसेच पाणीटंचाईच्या काळात धोत्री व शहरातील काही भागात पदरमोड करून टॅकरने पाणीपुरवठा केला. स्वच्छ जामखेड साठी ते नेहमीच अग्रेसर असतात सकाळ व सायंकाळी प्रभागात फेरफटका मारून अडीअडचणी जाणून घेतात व त्या सोडवतात हरित जामखेड साठी त्यांनी प्रभागात मोठ्या प्रमाणावर वृक्षारोपण केले आहे. धोत्री येथे रस्त्याच्या दोन्ही बाजूला वड व पिंपळाची मोठ्या प्रमाणावर झाडे लावून संरक्षक जाळी बसवून उन्हाळ्यात टॅंकरने पाणीपुरवठा केला त्यामुळे परिसर हिरवाईने नटला आहे.

    गेल्या बारा दिवसांपासून आमदार रोहित पवार व त्यांच्या मातोश्री सुनंदाताई पवार यांच्या स्वप्नातील जामखेड करण्यासाठी स्वच्छ जामखेड सुंदर जामखेड व हरित जामखेड साठी लोकांना एकत्र करून स्वच्छता अभियान राबवले जात आहे त्यामुळे कर्जत-जामखेड विधानसभा प्रमुख मधुकर राळेभात व नगरसेवक दिंगाबर चव्हाण यांनी स्वच्छता अभियान हि लोकचळवळ बनवली आहे.