जामखेड न्युज——
जामखेड महाविद्यालयात जामखेड मध्ये आज रोजी साहित्यरत्न अण्णाभाऊ साठे यांची पुण्यतिथी साजरी करण्यात आली याप्रसंगी महाविद्यालयाचे प्राचार्य डॉ. सुनील नरके यांनी अण्णा भाऊंच्या प्रतिमेचे पूजन केले. याप्रसंगी मराठी विभाग प्रमुख प्रा.डॉ.रंगनाथ सुपेकर यांनी आपल्या मनोगत व्यक्त करताना आण्णाभाऊच्या साहित्याचा आढावा घेतला यामध्ये कादंबरी, लोकनाट्य, नाटक, पटकथा, लावणी, पोवाडे, प्रवासवर्णन अशा वेगवेगळ्या साहित्यप्रकारांतील लेखन केलेले ख्यातनाम मराठी साहित्यिक म्हणजे अण्णाभाऊ साठे “माझी मैना गावावर राहिली माझ्या जीवाची होतीया काहिली” या लावणीच्या ओळी व वास्तवदर्शी अण्णाभाऊंची जीवन यांचा त्यांनी मागोवा घेतला.
कार्यक्रमाच्या समारोप प्रसंगी प्रा. मधुकर राळेभात यांना पुणे येथे कबड्डी क्षेत्रातील विशेष योगदानाबद्दल महाराष्ट्र राज्य कबड्डी असोसिएशनच्या वतीने देण्यात येणारा कृतज्ञता पुरस्कार अहमदनगर जिल्हा कबड्डी असोसिएशनचे उपाध्यक्ष प्रा. मधुकर (आबा) राळेभात यांना मिळाल्याबद्दल त्यांचा महाविद्यालयाच्या वतीने डॉ. सुनील नरके यांनी शाल व श्रीफळ देऊन सत्कार केला. यावेळी महाविद्यालयातील सर्व प्राध्यापक व शिक्षकेत्तर कर्मचारी हजर होते .
