जामखेड महाविद्यालयातील कर्मचाऱ्याने मैदानावर सापडलेले पाच हजार रुपयांचे पाकीट दिले परत प्रमाणिकपणाबद्दल सर्वत्र कौतुक

   जामखेड महाविद्यालयात विद्यार्थीनी व तिची आई काही कामानिमित्त आलेल्या होत्या. मैदानावर त्यांचे पाच हजार रुपये असलेले पाकीट हरवले होते हे पाकीट महाविद्यालयातील कर्मचारी माने यांना सापडले त्यांनी ते प्राचार्य डॉ. सुनील नरके यांच्याकडे दिले. त्यांनी ते वैष्णवी म्हेत्रे व आई रेखा म्हेत्रे यांच्या कडे दिले पैसे परत मिळाल्यामुळे म्हेत्रे मायलेकींनी माने यांच्या प्रमाणिक पणाचे कौतुक केले. 

आज सोमवार दिनांक 18 जुलै 2022 रोजी सकाळी जामखेड महाविद्यालयातील प्रथम वर्ष कला या वर्गातील विद्यार्थिनी वैष्णवी अरुण मेहेत्रे व तिची आई रेखा अरुण मेहेत्रे महाविद्यालयात कामानिमित्त आले असताना त्यांच्याकडील पैशाचे पाकीट मैदानावर हरवले. त्यामध्ये 5000 रुपये होते व ते पाकीट महाविद्यालयातील कर्मचारी श्री सूर्यकांत माने यांना सापडले. त्यांनी अतिशय इमानदारीने व जबाबदारीने ते पैशाचे पाकीट माननीय प्राचार्य डॉक्टर सुनील नरके यांच्याकडे जमा केले.प्राचार्यांनी ते पाकीट रेखा मेहेत्रे यांना परत केले व श्री सूर्यकांत माने यांचे आभार मानून कौतुक केले.याप्रसंगी प्राध्यापक काळे डी वाय प्राध्यापक राऊत एस एन प्राध्यापक पठाण सर बिट्टू मोरे श्री नवगिरे सर व श्री राऊत सर उपस्थित होते.