जामखेड नगरपरिषद निवडणूक तयारी पूर्ण – नितीन पाटील निवडणूक निर्णय अधिकारी
जामखेड नगरपरिषद निवडणुकीसाठीची तयारी आता अंतिम टप्यात आली असून मतदान २ डिसेंबरला होणार असून ३ डिसेंबरला मतमोजणी पार पडणार आहे. जामखेड नगरपरिषद निवडणुक तयारी पूर्ण झालेली आहे अशी माहिती निवडणुक निर्णय अधिकारी तथा प्रांताधिकारी नितीन पाटील यांनी सांगितले.
प्रशासनाने जोरदार हालचाली सुरू केल्या आहेत.मतदार यादीपासून कर्मचाऱ्यांच्या प्रशिक्षणापर्यंत सर्व कामे वेगात करण्यात येत असून, संपूर्ण यंत्रणा सज्ज झाले आहेत.
जामखेड नगरपरिषद निवडणुकीसाठी 41 मतदान केंद्र आहेत प्रशासनाने 50 C U व 114 B U ईव्हीएम तयार केल्या आहेत. तसेच डमी ईव्हीएम तयार करण्यात आली आहे.
निवडणुकीसाठी वाहतूक आराखडा संपूर्ण तयार करण्यात आला आहे. 41 मतदान केंद्रासाठी 41 C U व 82 B U लागणार आहेत. तरी प्रशासनाने जास्त ईव्हीएम ची तयारी करून ठेवली आहे.
निवडणूकीसाठी अधिकारी वर्गाचे एक प्रशिक्षण पूर्ण झाले आहे तर दुसरे 30 तारखेला होणार आहे. सध्या सर्व ईव्हीएम मशीन साठी नागेश्वर सभागृहात स्ट्राँग रूम तयार करण्यात आली आहे. कडेकोट पोलीस बंदोबस्तात सर्व तयारी पूर्ण झाली आहे.
