जामखेड न्युज——
ल. ना. होशिंग विद्यालयाच्या सिद्धी रासकर ला राज्यस्तरीय थाळीफेक स्पर्धेत सुवर्णपदक
राष्ट्रीय पातळीवरील पश्चिम विभागीय मैदानी स्पर्धेसाठी निवड
30 सप्टेंबर व 1 ऑक्टोबर 2023 दरम्यान डेरवण जिल्हा रत्नागिरी येथे राज्यस्तरीय मैदानी स्पर्धा पार पडल्या या स्पर्धेमध्ये आपल्या ल.ना.होशिंग माध्यमिक विद्यालयातील विद्यार्थीनी सिद्धी अर्जुन रासकर हिने सोळा वर्षे वयोगटात प्रथम क्रमांक पटकावला आहे व तिची कोटा राजस्थान येथे होणाऱ्या पश्चिम विभागीय मैदानी स्पर्धेसाठी निवड झाली आहे.
महाराष्ट्र राज्य ॲथलेटिक्स असोसिएशन आयोजित राज्यस्तरीय ज्युनिअर मैदानी स्पर्धा 30 सप्टेंबर ते 1 ऑक्टोबर रोजी डेरवण रत्नागिरी ये सुरू असलेल्या राज्यस्तरीय स्पर्धेत अहमदनगर जिल्हा ॲथलेटिक्स असोसिएशन ची खेळाडू कु. सिध्दी रासकर या खेळाडूंने थाळी फेक या क्रीडा प्रकारात सुवर्णपदक मिळवले आहे. यामुळे आता राष्ट्रीय स्पर्धेसाठी निवड झाली आहे.
या खेळाडुंचे अहमदनगर जिल्हा ॲथलेटिक्स असोसिएशन व ट्रॅक रेसर्स स्पोर्टस फाऊंडेशन अहमदनगर कडून खेळाडूंचे हार्दिक करण्यात आले आहे.
सिध्दी रासकरची राष्ट्रीय स्पर्धेसाठी निवड झाल्याबद्दल दि पिपल्स एज्युकेशन सोसायटीचे अध्यक्ष उद्धव देशमुख, उपाध्यक्ष अरूणशेठ चिंतामणी, सचिव शशिकांत देशमुख, सहसचिव दिलीप गुगळे, खजिनदार राजेश मोरे सह सर्व संचालक मंडळ तसेच प्राचार्य श्रीकांत होशिंग, उपमुख्याध्यापक बाळासाहेब पारखे, पर्यवेक्षक पी. टी. गायकवाड, क्रीडा शिक्षक राघवेंद्र धनलगडे, साळुंखे सर, पाटील सर, बापू जरे सर सह सर्व शिक्षक व पालकांनी अभिनंदन केले आहे.
