जामखेड न्युज——
आमदार प्रा राम शिंदे यांनी अपयशाचे खापर दुसऱ्यांवर फोडू नये – उपसभापती कैलास वराट
आमदार प्रा. राम शिंदे यांनी आतापर्यंत आमचा फक्त वापर केला
कोणत्याही निवडणुकीत यश मिळाले की, आमदार प्रा राम शिंदे यांच्या मुळे तर अपयश आले की, त्याचे खापर दुसऱ्यांवर खासदार विखे वर का फोडतात? हे बरोबर नाही, आतापर्यंत आमदार शिंदे यांनी आमचा फक्त वापर केला कोठेही कसलीही संघटनात्मक बांधणीत संधी दिली नाही तसेच त्यांच्या कडे कसलेही व्हिजन नाही. फक्त विरोधासाठी विरोध करतात. आमदार रोहित पवार हे विकासाचे व्हिजन असलेले नेतृत्व आहे. ते फक्त कर्जत जामखेडचे नेते नाहीत तर संपूर्ण महाराष्ट्राचे नेते आहेत. त्यांच्या माध्यमातून जी उपसभापतीची संधी मिळाली आहे त्या संधीचे सोने करू असा विश्वास कृषी उत्पन्न बाजार समितीचे उपसभापती कैलास वराट यांनी सांगितले.
आमदार रोहित पवार व जिल्हा बँकेचे संचालक अमोल राळेभात यांच्या नेतृत्वाखालील सहकार व शेतकरी विकास पॅनलच्या नवनिर्वाचित उपसभापती व संचालकांना आमदार रोहित पवार यांच्या हस्ते सत्कार करण्यात आला तसेच सोसायटी व ग्रामपंचायत सदस्य, व्यापारी व हमाल मतदारांचे आभार कार्यक्रम संपन्न झाला.
यावेळी आमदार रोहित पवार, राष्ट्रवादी काँग्रेसचे कर्जत जामखेड विधानसभा प्रमुख प्रा. मधुकर राळेभात, माजी सभापती संजय वराट, जिल्हा बँकेचे संचालक अमोल राळेभात, कृषी उत्पन्न बाजार समितीचे व्हाईस चेअरमन कैलास वराट, संचालक सुधीर राळेभात, अंकुशराव ढवळे,
सतिश शिंदे, गजानन शिंदे, विठ्ठल चव्हाण, सुरेश पवार, राहुल बेदमुथ्था, नारायण जायभाय,
सावळेश्वर उद्योग समूहाचे रमेश आजबे, साकतचे सरपंच हनुमंत पाटील, राजुरीचे सरपंच सागर कोल्हे, विश्वनाथ राऊत, अक्षय शिंदे, विजयसिंह गोलेकर, दादा उगले, काकासाहेब कोल्हे, मनोज भोरे, बापू कार्ले, काका चव्हाण, प्रा. महादेव डुचे, शरद शिंदे, विजय पवार, राजाभाऊ वराट, शहादेव वराट, महादेव वराट, यांच्या सह तालुक्यातील सरपंच, ग्रामपंचायत सदस्य, सेवा संस्थेचे चेअरमन, सदस्य मोठ्या संख्येने उपस्थित होते.
यावेळी बोलताना उपसभापती कैलास वराट यांनी सांगितले की, उपसभापती मी नसून सुधीर राळेभात हेच आहेत. आम्ही शेतकरी, व्यापारी हिताचे निर्णय घेऊ व एक आदर्श कारभार करू आमदार प्रा. राम शिंदे हे आमच्या वर टिका करताना म्हणतात की, खासदार डॉ विखे यांचे स्वीय साहायक फुटले पण मी तर त्यांचा स्वीय साहायक नाही त्यामुळे ते खोटे बोलत आहेत. विजय मिळाला की त्यांच्या मुळे आणि पराभव झाला की, आमच्या मुळे हे काय गणित आहे.
आमदार रोहित पवार व सुधीर राळेभात यांच्या माध्यमातून मिळालेल्या संधीचे सोने निश्चितच करू असा विश्वास उपसभापती कैलास वराट यांनी व्यक्त केला.
