जामखेड न्युज – – – – ( सुदाम वराट)
अपघात ग्रस्ताच्या मदतीला धावले आमदार रोहित पवार
कर्जत-जामखेडचा दिवसभराचा दौरा आटोपून आमदार रोहित पवार हे काल (बुधवारी) कर्जतवरुन राशीनला जात होते. यावेळी रात्री आठ वाजण्याच्या सुमारास रस्त्यावर एक दुचाकीस्वार ट्रॅक्टरला धडकल्याने अपघात झाल्याचे आणि अपघातातील जखमी रस्त्यात विव्हळत असल्याचे त्यांच्या लक्षात आले. रोहित पवार यांनी तातडीने आपली गाडी थांबवून इतर लोकांसोबत अपघातातील जखमींना मदत केली व पुढील उपचारासाठी कर्जत येथील रुग्णालयात पाठवून दिले. आमदार रोहित पवार यांनी आपले कर्तव्य पार पाडताना आमदार कसा असावा तर संकटप्रसंगी धावून जाणारा असावा, हे दाखवून दिले आहे.
दोन वर्षांपुर्वीही आमदार रोहित पवारांच्या सतर्कतेमुळे अपघातग्रस्तांना तात्काळ मदत मिळाली आहे. या घटनेचा फोटो सोशल मीडियावर व्हायरल होत आहे. यामध्ये आमदार रोहित पवार अपघातग्रस्त ओमनी कारला बाहेर काढताना दिसत आहे. जखमींना वेळेत उपचार मिळाले. मांडवे- पिंगळी (ता.माण) यादरम्यान शेतकऱ्याच्या गाडीला एक अपघात झाला होता. आमदार रोहित दादांनी क्षणाचाही विलंब न करता आपल्या सहकाऱ्यांच्या मदतीने रस्त्याच्या खाली गेलेली अपघातग्रस्त गाडी बाहेर काढून जखमींना तातडीने उपचारासाठी पाठवले होते.
रोहित पवार यांनी त्यानंतर ट्विट करून या अपघाताची माहिती देतानाच अशा अपघाताच्या प्रसंगी मदत करण्यासाठी नागरिकांना पुढे येण्याचं आवाहनही केलं होतं पोलीस चौकशीला घाबरून अनेकदा लोक अपघातग्रस्तांना मदत करत नाहीत आणि त्यामुळं वेळीच मदत न मिळाल्याने अपघातातील जखमींचा जीव जाऊ शकतो. त्यामुळं माझं आवाहन आहे, कोणतीही भीती न बाळगता अपघातग्रस्तांना तातडीने मदत करा आणि पोलिसांनाही विनंती आहे, अशा लोकांना चौकशीसाठी त्रास देऊ नये, असं ट्विट पवार यांनी केलं होतं
आमदार रोहित पवार हे कायमच सामाजिक कार्यामुळे चर्चेत असतात. तरूणाईचे लाडके आमदार म्हणून रोहित पवार लोकप्रिय आहेत.
