जामखेड प्रतिनिधी
जामखेड न्युज – – ( सुदाम वराट)
आमदार रोहित (दादा) पवारांच्या वाढदिवसानिमित्त तालुक्यात विविध कार्यक्रमांचे गेल्या पंधरा दिवसांपासून आयोजन करण्यात येत आहे. कोरोनाची महामारी लक्षात घेता कोरोना प्रतिबंधात्मक लसीकरण गरजेचे आहे हे ओळखून आमदार रोहित पवारांच्या पाठपुराव्यामुळे शहरासह तालुक्यातील अनेक गावात लसीकरण कॅम्प आयोजित करण्यात आले आहेत यात मंगळवार दि. २८ रोजी कोरोना लसीकरण १८ वर्षावरील नागरिकांना
पहिला डोस शंभर टक्के पुर्ण झाला त्यामुळे तालुक्यातील बावी हे गाव पहिले शंभर टक्के लसीकरण झालेले गाव ठरले आहे.
लोकप्रिय आमदार रोहित दादा पवार यांच्या वाढदिवसानिमित बावी ता.जामखेड येथे १००% लसीकरणचा पहिला डोस देण्यात आला त्यावेळी गावचे
सरपंच निलेश पवार, उपसरपंच दादासाहेब मंडलीक, ग्रामपंचायत सदस्य राहुल कवादे, राम पवार, ग्रामसेवक फरताडे भाऊसाहेब, रोजगार सेवक दत्ता कारंडे ग्रामपंचायत कर्मचारी अशोक राऊत यांच्या सह अनेक मान्यवर उपस्थित होते.
बावी ग्रामपंचायतला तहसीलदार योगेश चंद्रे, गटविकास अधिकारी प्रकाश पोळ तसेच आरोग्य ग्रामीण अधिकारी डॉ. सुनील बोराडे, सी.एच.ओ.डॉ.बारस्कर मॅडम, सुपरवायझर डॉ.राख, आरोग्य सेवक बांगर, ए.एन.एम.नागरगोजे मॅडम यांचे वेळोवेळी सहकार्य मिळाले व पुरेश्या प्रमाणात लस उपलब्ध करून दिल्याने आम्ही बावी गाव १००% पहिला डोस लसीकरण पूर्ण केले त्या बद्दल सरपंच, उपसरपंच ग्रामपंचायत सदस्य यांच्या वतीने टीमचे आभार मानण्यात आले.
त्यासाठी अशासेविका सुलभा शिंदे, अंगणवाडी सेविका विमल पवार, मधुमती रंधवे, शारदा पवार तसेच सामाजिक कार्यकर्ते इमाम पठाण, अशोक शिदे, संतोष पवार, योगेश पवार, रवि शिंदे,रामकृष्ण पवार, गौरव भिसे तसेच इतर ग्रामस्थ. यांचे पण खूप मोठ्या प्रमाणात योगदान लाभले त्याबद्दल त्याचे पण आभार मानले.
गावाची लोकसंख्या दीड हजाराच्या आसपास आहे आगोदरही तीन कॅम्प घेतले होते तर काही लोकांनी नान्नज, जामखेड व हळगांव येथे जाऊन लस घेतली होती. आता पहिला डोस १८ वर्षावरील नागरिकांना शंभर टक्के झाला आहे त्यामुळे जामखेड तालुक्यातील शंभर टक्के लसीकरण झालेले बावी हे पहिले गाव ठरले आहे.
