शैक्षणिक साहित्य निर्मिती अन् वर्ग सजावटीत जामखेडच्या शिक्षकांचा सर्जनशीलतेचा धमाका! पंचायत समितीकडून स्पर्धेचा निकाल जाहीर, जिल्हा परिषद आणि खासगी गटातील विजेत्यांचा गौरव!

जामखेड न्युज – – – – – 

शैक्षणिक साहित्य निर्मिती अन् वर्ग सजावटीत जामखेडच्या शिक्षकांचा सर्जनशीलतेचा धमाका!

पंचायत समितीकडून स्पर्धेचा निकाल जाहीर, जिल्हा परिषद आणि खासगी गटातील विजेत्यांचा गौरव!

विद्यार्थ्यांचे शिक्षण अधिक आनंददायी, कृतीयुक्त आणि प्रभावी व्हावे, यासाठी शिक्षकांनी तयार केलेल्या शैक्षणिक साहित्याला आणि वर्ग सजावटीला प्रोत्साहन देण्याच्या उद्देशाने पंचायत समिती जामखेडच्या शिक्षण विभागामार्फत आयोजित करण्यात आलेल्या शैक्षणिक साहित्य निर्मिती व वर्ग सजावट स्पर्धा सन २०२६-२७ चा निकाल जाहीर करण्यात आला आहे. या स्पर्धेत जिल्हा परिषद व्यवस्थापन आणि खासगी व्यवस्थापन अशा दोन गटांतील शिक्षकांनी सहभाग नोंदवला. दोन्ही गटांतील प्रथम, द्वितीय आणि तृतीय क्रमांकाच्या विजेत्यांची अधिकृत घोषणा गटशिक्षणाधिकारी कार्यालयाने केली आहे.

गटशिक्षणाधिकारी कार्यालय, पंचायत समिती जामखेड यांच्या वतीने २ नोव्हेंबर २०२६ रोजी जा.क्र. SSA/218/2026 अन्वये हा निकाल जाहीर करण्यात आला आहे.

जिल्हा परिषद व्यवस्थापन गटातील विजेते
या गटात पुढील शिक्षकांनी यश संपादन केले.
1. प्रथम क्रमांक : श्रीमती गडकरी दिपाली अविनाश – जिल्हा परिषद प्राथमिक शाळा, आंजबे वस्ती.
2. द्वितीय क्रमांक : श्री पवार विठ्ठल शिवराम – जिल्हा परिषद प्राथमिक शाळा, पिंपळगाव आवळा.
3. तृतीय क्रमांक : श्रीमती काळे शितल बाबासाहेब – जिल्हा परिषद प्राथमिक शाळा, दत्तवाडी.
खासगी व्यवस्थापन गटातील विजेते
खासगी व्यवस्थापन गटातही शिक्षकांनी कल्पकतेच्या जोरावर उत्कृष्ट कामगिरी केली.

1. प्रथम क्रमांक : श्रीमती वाघ अश्विनी बाबन – नवीन मराठी प्राथमिक शाळा, जामखेड.
2. द्वितीय क्रमांक : श्रीमती बागारोजे वंदना आत्माराम – न्यू इंग्लिश स्कूल, राजुरी.
3. तृतीय क्रमांक : श्रीमती भांगरें शारदा गोविंदा – भैरवनाथ विद्यालय, शिरूर

शिक्षकांच्या कल्पकतेला मिळाली दाद!
या स्पर्धेमुळे शिक्षकांना स्वतःच्या सर्जनशीलतेला वाव देण्याची संधी मिळाली. शैक्षणिक साहित्याचा प्रभावी वापर, नावीन्यपूर्ण वर्ग सजावट आणि विद्यार्थ्यांना अध्ययन प्रक्रियेत सहभागी करून घेणाऱ्या विविध उपक्रमांना या स्पर्धेच्या माध्यमातून प्रोत्साहन मिळाले. अशा उपक्रमांमुळे वर्गातील वातावरण अधिक आनंददायी, बालस्नेही आणि अध्ययनास पूरक बनण्यास मदत होते. विद्यार्थ्यांची आकलनक्षमता, कल्पनाशक्ती आणि शिकण्याची आवड वाढविण्यासाठी शैक्षणिक साहित्य महत्त्वाची भूमिका बजावते.

स्पर्धेतील सर्व विजेत्या शिक्षकांचे, संबंधित शाळांचे मुख्याध्यापक आणि शिक्षकवृंदाचे गटशिक्षणाधिकारी कार्यालयाच्या वतीने अभिनंदन करण्यात आले आहे. तसेच सहभागी शिक्षकांनी दाखविलेला उत्साह, सर्जनशीलता आणि शैक्षणिक बांधिलकी कौतुकास्पद असल्याचे नमूद करण्यात आले आहे.
या निकालामुळे जामखेड तालुक्यातील शैक्षणिक क्षेत्रात आनंदाचे वातावरण असून, शिक्षकांच्या कल्पकतेला आणि गुणवत्तापूर्ण अध्यापनाला प्रोत्साहन देणाऱ्या या उपक्रमाचे सर्व स्तरांतून स्वागत होत आहे.