भारत व फ्रांस संबंध एका वेगळ्या उंचीवर नेणारा पंतप्रधान नरेंद्र मोदी यांचा मुंबई दौरा नुकताच संपन्न झाला. या दौऱ्यात पंतप्रधानांच्या पाहुणचाराला लोकभवनातर्फे अस्सल मराठी तडका देण्यात आला होता.
परराष्ट्रमंत्री एस जयशंकर व राष्ट्रीय सुरक्षा सल्लागार अजित डोवाल यांचा समावेश असलेल्या पंतप्रधानांच्या शिष्टमंडळासाठी लोकभवनातर्फे वडा पाव व मिसळ पाव यांचा समावेश करण्यात आला होता. फ्रान्सचे अध्यक्ष इम्यॅन्युएल मॅक्रॉन यांच्या शिष्टमंडळातील सदस्यांना देखील मुंबईचा वडा पाव खूप आवडला.
पंतप्रधान मोदी यांचे भरड धान्याला (मिलेट्स मिशन) प्रोत्साहन देण्याचे धोरण विचारात घेऊन पंतप्रधान व त्यांच्या टीमच्या न्याहारीसाठी धाराशिव जिल्ह्यातील परांडा तालुक्यातील डोमगावचा नैसर्गिकरित्या तयार झालेला ज्वारीचा हुरडा ठेवण्यात आला होता.
हुरड्याशिवाय डहाणू येथील नैसर्गिकरित्या तयार झालेले चिकू देखील डिझर्ट म्हणून ठेवण्यात आले होते. पालघर जिल्यातील चवदार जाम देखील ठेवण्यात आले होते. कोल्हापूरच्या राधानगरी तालुक्यातील ठाकपुर्ली येथील बर्फी देखील पंतप्रधानांसाठी ठेवण्यात आली होती. या बर्फीमध्ये कुठल्याही प्रकारचा कृत्रिम रंग वापरण्यात येत नाही. महाराष्ट्राच्या या अस्सल मराठी पदार्थांचा आनंद पंतप्रधानांसह त्यांच्यासोबत आलेल्या शिष्टमंडळाने देखील घेतला.
पंतप्रधान नरेंद्र मोदी आणि फ्रान्सचे अध्यक्ष इम्यॅन्युएल मॅक्रॉन यांच्यातील ऐतिहासिक भेटीची चर्चा जगभरात होत असतानाच, मुंबईतील ‘लोकभवन’मध्ये या दिग्गज नेत्यांनी घेतलेल्या अस्सल मराठी स्वादाची गोष्ट आता समोर आली आहे. भारत-फ्रान्स संबंधांना नवी उंची देणाऱ्या या दौऱ्यात परदेशी पाहुण्यांच्या जिभेवर महाराष्ट्राच्या मातीतील चव रेंगाळली. परराष्ट्रमंत्री एस. जयशंकर आणि राष्ट्रीय सुरक्षा सल्लागार अजित डोवाल यांच्यासह संपूर्ण शिष्टमंडळासाठी लोकभवनाने चक्क वडापाव आणि झणझणीत मिसळपावचा बेत आखला होता. विशेष म्हणजे, मुंबईच्या या ‘ग्लोबल’ वडापावने फ्रान्सच्या शिष्टमंडळालाही अक्षरशः वेड लावले.
पंतप्रधान मोदींच्या ‘मिलेट्स मिशन’ला केंद्रस्थानी ठेवून न्याहारीसाठी धाराशिव जिल्ह्यातील परांडा तालुक्यातील डोमगावचा नैसर्गिक ज्वारीचा हुरडा खास मागवण्यात आला होता. या गावरान चवीसोबतच पालघर जिल्ह्याचा अभिमान असलेले डहाणूचे रसाळ चिकू आणि नैसर्गिक जॅमने डिझर्टची रंगत वाढवली. गोडधोडमध्ये कोल्हापूरच्या राधानगरी तालुक्यातील ठाकपुर्लीची प्रसिद्ध बर्फी ठेवण्यात आली होती. कोणत्याही कृत्रिम रंगाचा वापर न करता तयार झालेली ही पारंपारिक बर्फी आणि महाराष्ट्रातील इतर पदार्थांच्या अस्सल तडक्याने पंतप्रधानांसह त्यांच्या शिष्टमंडळाला तृप्त केले.
महाराष्ट्राच्या ग्रामीण भागातील हे साधे पण चविष्ट पदार्थ थेट जागतिक नेत्यांच्या ताटापर्यंत पोहोचल्याने राज्याच्या सांस्कृतिक आणि कृषी वारशाचा गौरव झाला आहे. कोल्हापूरची गोडी आणि मराठवाड्याचा हुरडा असा हा अनोखा मेजवानीचा बेत या दौऱ्यातील सर्वात चर्चेचा विषय ठरला आहे.
जगप्रसिद्ध क्रिकेटपटू सचिन तेंडूलकर यांनी डोंजा हे गाव राज्यसभा खासदार म्हणून दत्तक घेतले. हा परांडा तालुक्याचा गौरव होता. आता फ्रान्स चे राष्ट्राध्यक्ष अम्यूनल मॅक्रान यांच्यासाठी डोमगाव मधील अस्सल हुरड्याचा आस्वाद म्हणजे आमच्या मातीचा गौरव आहे. अभिमान आहे. अतिशय मागास अशी ओळख असलेल्या या मातीतल्या हुरड्याचा अर्थात धान्याचा आस्वाद फ्रान्सच्या राष्ट्राध्यक्षांनी घेतला हे खरचं आनंददायी आहे. ‘आपली माती अन आपल्या माणसांसाठी हा आत्मविश्वास जागवणारी घटना आहे.
