१३२ किलो गांजा पकडत स्थानिक गुन्हे शाखेची धडाकेबाज कामगिरी, पंचवीस लाखाच्या मुद्देमालासह दोन आरोपी जेरबंद
मिरजगाव परिसरात एकच खळबळ
गुप्त माहिती दारामार्फत मिळालेल्या माहितीनुसार स्थानिक गुन्हे शाखा व मिरजगाव पोलीसांची १३२ किलो अंमली पदार्थ गांजासह ०२ आरोपींना ताब्यात घेतले घेत एकुण २५,४३,०००/- रुपये किंमतीचा मुद्देमाला हस्तगत करत मोठी कारवाई केली आहे. ही कारवाई स्थानिक गुन्हे शाखा व मिरजगाव पोलीसांनी केली आहे. यामुळे परिसरात एकच खळबळ उडाली आहे.
जिल्हा पोलीस अधीक्षक सोमनाथ घार्गे यांच्या सूचनेनुसार व मार्गदर्शनाखाली अंमलीपदार्थ विक्री करणारे इसमांची माहिती काढुन कारवाई करण्याच्या आदेशानुसार अंमली पदार्थ विरोधी टास्क फोर्स नोडल अधिकारी तथा पो. नि. किरणकुमार कबाडी, स्थानिक गुन्हे शाखा, अहिल्यानगर यांनी अंमली पदार्थ विक्री व सेवन करणारे इसमांची माहितीकाढून कारवाई करणेबाबत पोउपनि / समीर अभंग पोलीस अंमलदार, ह्रदय घोडके, संतोष खैरे, दिपक घाटकर,लक्ष्मण खोकले. बिरप्पा करमल, श्यामसुंदर जाधव, भिमराज खर्से, राहुल डोके, भाऊसाहेब काळे, अमोल कोतकर, प्रशांत राठोड मनोज साखरे, चालक अरुण मोरे, उमाकांत गावडे यांना रवाना केले.सदर पथक हे मिरजगाव पोलीस स्टेशन हद्दीत अंमली पदार्थबाबत माहिती घेत असतांना पथकास गुप्त बातमीदारामार्फत स्कॉर्पीओ गाडी क्रमांक एम. एच. १४ जी. एच. २३३० ही मधुन दोन इसम अंमलीपदार्थ गांजा विक्रीकरीता कर्जत येथून पाथर्डीकडे जाणार असल्याची माहिती मिळाली.
सदरची बातमी मा.पोनि श्री कबाडी सो, यांना कळविले असता त्यांनी मिरजगाव पोलीस स्टेशनचे पोलीस अधिकारी व अंमलदार यांचे मदतीने कारवाई करणे बाबत सुचना दिल्या. त्यानुसार पथकाने तात्काळ मिरजगाव पोलीस स्टेशन येथे जावुन सपोनि विजय झंजाड यांना मिळालेल्या बातमीचा लेखी रिपोर्ट दिला असता त्यानुसार सपोनि विजय झंजाड यांचेसह कारवाई करण्याकरीता आवश्यक त्या साहित्यासह पोलीस स्टेशन मधुन सरकारी वाहनाने निघुन मिरजगाव ते कर्जत जाणारे रोडवरील ब्रिजखाली महात्मा फुले चौक येथे जावुन सापळा रचुन थांबले.
बातमीतील नमुद स्कॉर्पीओ गाडी येतांना दिसली तेव्हा बातमीतील हकिगतीप्रमाणे खात्री झाल्याने पथकाने स्कॉर्पीओ गाडी थांबवुन गाडीची पाहणी केली असता त्यामध्ये दोन इसम बसलेले दिसुन आले. त्यांना ताब्यात घेवुन त्यांचे नांव पत्ता विचारले असतांना त्यांनी त्यांचे नांवे १) गणेश अंकुश कराड वय – ३२ वर्षे रा. आगसखांड, ता. पाथर्डी जि. अहिल्यानगर, २) सुखदेव शिवनाथ कदम वय ३० वर्षे रा. सदर असे असल्याचे सांगितले. तेव्हा सपोनि / विजय झंजाड यांनी बातमीची हकिगत सांगुन त्यांचे व स्कॉर्पीओ गाडीची झडती घेतली असता गाडीचे डिक्कीमध्ये ०४ गोण्या मिळुन आले.
नमुद इसमांना गोण्या बाबत विचारपुस करता त्याने त्यामध्ये अंमली पदार्थ गांजा असल्याचे सांगितले आहे. ताब्यातील आरोपीतांचे ताब्यातुन १८,१८,०००/-रु कि.चा १३२.८४ किलो ग्रॅम गांजा अंमलीपदार्थ, २५,०००/-रु कि.चे दोन मोबाईल, ७,००,०००/-रु कि.चा एक स्कॉर्पीओ चारचाकी वाहन असाएकुण २५,४३,०००/- रु कि.चा मुद्देमाल जप्त करण्यात आले आहे.
ताब्यात घेतलेल्या आरोपी विरुध्द स्थानिक गुन्हे शाखेचे पोकों/८०० भाऊसाहेब राजु काळे यांनी दिलेल्या फिर्यादीवरुन मिरजगाव पोलीस स्टेशन गु. र. नं. ६०/ २०२६ गुंगीकारक औषधिद्रव्ये आणि मनोव्यापारावर परिणाम करणारे पदार्थ कायदा सन १९८५ चे कलम ८ (क), २० (ब) ii (क) प्रमाणे गुन्हा दाखल करण्यात आलेला आहे. पुढील तपास मिरजगाव पोलीस स्टेशन करीत आहे.
सदरची कारवाई सोमनाथ घार्गे पोलीस अधीक्षक, अहिल्यानगर व प्रविणचंद लोखंडे,उपविभागीय पोलीस अधिकारी, कर्जत विभाग यांचे सुचना व मार्गदर्शनाखाली स्थानिक गुन्हे शाखा,अहिल्यानगर व मिरजगाव पोलीस स्टेशनचे पोलीस अधिकारी व पोलीस अंमलदार यांनी केलेली आहे.
