जामखेड शहरातील नागरिकांना तसेच इतर वाहनधारकांना मोकाट जनावरांचा मोठ्या प्रमाणावर त्रास होत असून मोकाट जनावरे व भटके कुत्रे रस्त्यावर असतात यामुळे अनेकांना भटक्या कुत्र्यांनी चावा घेतल्याने जखमी झाले आहेत. तसेच जनावरांमुळे अपघात झाले आहेत. यांचा बंदोबस्त करावा म्हणून प्रहारने नगरपरिषदच्या दारात मोकाट जनावरे बांधून आंदोलन केले.
तसेच नगरपरिषद हद्दीतील शेतीपीकाचे हीच मोकाट जनावरे मोठ्या प्रमाणात नुकसान करीत आहेत. याबाबत नगरपरिषदेस वेळोवेळी सांगुन देखील या जनावराचा बंदोबस्त करण्यात आला नाही. याच घटनेच्या निषेधार्थ प्रहार जनशक्ती पक्षाचे शहर अध्यक्ष दिनेश राळेभात यांच्या नेतृत्वाखाली ही मोकाट जनावरे गोळा करून जामखेड नगरपरिषदेच्या दारात बांधुन आंदोलन करण्यात आले.
जामखेड शहरात सध्या मोकाट जनावरे, मोकाट कुत्री व वराहांची मोठ्या प्रमाणात वाढ झाली आहे. सदरचे जनावरे हे रस्त्याच्या मध्यभागा मध्ये बसतात त्यामुळे अनेक वेळा अपघात झाला असुन या घटनेत जनावरे व वाहनचालक देखील जखमी झाले आहेत. मोकाट जनावरांन बरोबरच मोकाट कुत्र्यांचा देखील सुळसुळाट झाला असुन वराहांचा देखील त्रास शहरातील नागरीकांना होत आहे.
तसेच नगरपरिषद हद्दीतील गावालगत असलेल्या जमिनी मधिल उभ्या पिकांचे देखील ही जनावरे नुकसान करीत आहेत. त्यामुळे गावा लगत असणारे शेतकर्‍यांचे खूप मोठे आर्थिक व मानसिक नुकसान होत आहे. सदरचे नुकसान झालेल्या शेतकऱ्यांचे पंचनामे करुन त्यांना आपल्या नगरपरिषदे अंतर्गत नुकसान भरपाई देण्यात यावी आशी मागणी यावेळी आंदोलन कर्त्यांनी केली.
याबाबत प्रहार जनशक्ती पक्षाने काही दिवसांपुर्वी जामखेड नगरपरिषदेस निवेदन देऊन या मोकाट जनावरांचा बंदोबस्त करावा अशी मागणी केली होती. मात्र वेळोवेळी सांगुन देखील नगरपरिषदे कडुन या जनावराचा बंदोबस्त होत नाही याच घटनेच्या निषेधार्थ आज बुधवार दि 20 ऑगस्ट 2025 रोजी प्रहार जनशक्ती पक्षाचे शहर अध्यक्ष दिनेश राळेभात यांच्या वतीने जामखेड शहरातील मोकाट जनावरे गोळा करून ही जनावरे जामखेड नगरपरिषद कार्यालयाच्या दारत बांधण्यात आली व आंदोलन करण्यात आले. येत्या चार दिवसात जर सदर मोकाट जनावरंचा बंदोबस्त न केल्यास कोणतीही कल्पना न देता प्रहार जनशक्ती स्टाईलने आनखी त्रीव स्वरूपाचे आंदोलन छेडणार आहे असा इशारा प्रहारच्या वतीने देण्यात आला आहे.
यानंतर जामखेड नगरपरिषदेचे मुख्याधिकारी अजय साळवे यांनी आंदोलनकर्त्यांना लेखी निवेदन दिले आहे. शहरातील मोकाट जणवरांचा बंदोबस्त करणे मोकाट कुत्री व वराह पकडण्यासाठी तसेच त्यांचे निर्बिंजीकरण करणे व लसीकरण करणे यासाठी निवेदन काढले आसुन लवकरच निवेदनानुसार कार्यवाही सुरु करण्यात येणार आहे. तसेच येत्या आठ दिवसांत मोकाट जनावरे पकडण्याची कारवाई सुरू करण्यात येणार आहे असे लेखीपत्रात म्हंटले आहे. लेखी पत्र मिळाल्या नंतर सदरचे प्रहारचे आंदोलन दोन तासानंतर मागे घेण्यात आले.
या आंदोलनात प्रहार जनशक्ती पक्षाचे जिल्हाउपाध्यक्ष जयसिंग उगले, प्रहार ता.प्रमुख नय्युभाई सुभेदार, प्रहार शहराध्यक्ष दिनेश राळेभात, प्रहार युवक ता.प्रमुख प्रमोद खोटे, दिव्यांग तालुका अध्यक्ष सचिन उगले, शहर संघटक विकास राळेभात, जवळा गट अध्यक्ष राहुल भालेराव, शेतकरी अमोल(भैया) राळेभात, सतिष राळेभात, रविंद्र परदेशी, ठेकेदार विकास राळेभात, गणेश राळेभात, संदेश राळेभात, विनोद राळेभात बंडु उगले शिवाजी भोसले सर सह अनेक नागरिक व शेतकरी उपस्थित होते.
