जामखेड तालुक्यात मुलीची छेड प्रकरणी विनयभंग व पोक्सोचा गुन्हा दाखल, महिन्याच्या आतच याच गावात दुसरा पोक्सोचा गुन्हा
तालुक्यातील नान्नज येथे चप्पल बदलुन घेण्यासाठी गेलेल्या अल्पवयीन मुलीची छेड काढुन तिचा दुकान मालकाने विनयभंग केला. याप्रकरणी जामखेड पोलीस स्टेशनला दुकान मालका विरोधात विनयभंग व पोक्सो अंतर्गत गुन्हा दाखल करण्यात आला आहे. आरोपी न्यायालयाने 14 दिवसांची न्यायालयीन कोठडी सुनावली आहे. २९ जून रोजी याच गावात अल्पवयीन मुलीवर अत्याचार झाल्याची घटना घडली होती. महिन्याच्या आतच दुसरी घटना घडली आहे.
पोलिसांकडून मिळाले माहिती अशी की, एक अल्पवयीन मुलगी ही नान्नज येथील चप्पलच्या दुकानात चप्पल बदलण्यासाठी गेली होती. यावेळी शुज सेंटरचा मालक आरोपी गफार निजाम शेख, वय 34 वर्षे, रा. नान्नज, तालुका जामखेड याने अल्पवयीन मुलीस डोळा मारुन व हात धरुन जवळ ओढत विनयभंग केला.
तसेच अल्पवयीन मुलीस सदरची घटना कोणाला सांगीतली तर तुला जीवे ठार मारु अशी धमकी दिली. याप्रकरणी पिडीत अल्पवयीन मुलीने घडलेला प्रकार घडलेला प्रकार घरी सांगितल्यावर तिने आपल्या वडीलांसोबत जामखेड पोलीस स्टेशनला येऊन फीर्याद दाखल केली.
यानंतर वरील आरोपी विरोधात जामखेड पोलीस स्टेशनला विनयभंग व पोक्सो अंतर्गत गुन्हा दाखल करण्यात आला आहे.
याप्रकरणी पोलिसांनी आरोपीस अटक करुन न्यायालयात हजर केले असता न्यायालयाने त्यास 14 दिवसांची न्यायालयीन कोठडी सुनावली आहे. पुढील तपास सहाय्यक पोलीस निरीक्षक वर्षा जाधव या करीत आहेत.
चौकट महिन्याच्या आतच दुसरी घटना
२९ जून रोजी नान्नज येथेच दुकानामध्ये सामान घेण्यासाठी आलेल्या अल्पवयीन मुलीला गोडाऊन मध्ये नेऊन मित्राच्या मदतीने मुलीचे हात व तोंड दाबुन तिच्यावर अत्याचार केला. याप्रकरणी एका अल्पवयीन मुलासह दोन जणांविरोधात जामखेड गुन्हा दाखल करण्यात आला होता. ही घटना ताजी असतानाच आता परत विनयभंगाची व पोक्सोचा गुन्हा दाखल झाला यामुळे परिसरात एकच खळबळ उडाली आहे.
