आषाढी एकादशी निमित्त यात्रेसाठी धनेगाव (धाकटी पंढरी) येथे भक्तांची मांदिआळी
हिंदू मुस्लिम सामाजिक ऐक्याचे प्रतिक
जामखेड तालुक्यातील धाकटी पंढरी म्हणून ओळखल्या जाणाऱ्या धनेगाव या ठिकाणी भाविकांनी आषाढी एकादशीच्या निमित्ताने परिसरातील भक्तांची मांदिआळी मोठ्या प्रमाणावर दिसून आली. मोठ्या प्रमाणावर दिवसभर दर्शनासाठी रांगा दिसून आल्या. सकाळी ठाणे येथील नगरसेवक संदिप नटे, रवींद्र फाटक, सोमनाथ पवार प्रभाग समिती सदस्य मीरा भाईंदर तसेच विठ्ठल रुक्मिणी मंदिर ट्रस्टचे अध्यक्ष भरत काळे यांच्या सह विश्वस्त मंडळाच्या सदस्यांच्या हस्ते महापुजा संपन्न झाली. हिंदू मुस्लिम सामाजिक ऐक्याचे धनेगाव प्रतिक समजले जाते. गावातील मुस्लिम बांधव उपवास करतात.
धाकटी पंढरी म्हणून ओळखल्या जाणाऱ्या धनेगाव या ठिकाणी आषाढी एकादशीला मोठ्या प्रमाणात भाविक दर्शनासाठी येतात प्रत्येक एकादशीच्या दिवशी या मंदिरात कीर्तन होते. आषाढी एकादशी निमित्ताने जामखेड तालुक्यासह या ठिकाणी भुम,परांडा ,करमाळा या ठिकाणाहून देखील भाविक भक्त मोठ्या संख्येने येतात. तिनशे वर्षांचा इतिहास या मंदिराला आहे. आज मंदिर परिसरात भव्य रक्तदान शिबिराचे आयोजन करण्यात आले होते. यासाठी तरूण वर्गाचा मोठा उत्साह होता.
प्रा.मधुकर राळेभात जामखेड वरून धनेगाव येथे आपली दिंडी घेऊन जातात या वर्षीचे त्यांचे एकोणीसावे वर्षे आहे. याच बरोबर जवळका, जेटकेवाडी, तिंत्रज, सह आनेक ठीकाणाहुन आषाढी एकादशी निमित्ताने धाकट्या पंढरीत दिंड्या येत असतात. तसेच अँड डॉ अरूण जाधव यांचीही संविधान समता दिंडी येते.
वारकर्‍यांनी या ठिकाणी दर्शन घेण्यासाठी पहाटे पासूनच मोठ्या रांगा असतात विषेश म्हणजे सामाजिक कार्यकर्ते प्रा.सचिन गायवळ यांच्या वतीने खर्डा व परीसरातील वारकर्‍यांनसाठी दर्शन घेण्यासाठी मोफत बस ची सोय करण्यात येते. हे तिसरे वर्ष आहे. सहा बस दिवसभर भाविकांची ने आण करत होत्या अनेक भाविक भक्तांनी या संधीचा लाभ घेतला.
ग्रामस्थांच्या वतीने देखील या ठिकाणी मोफत फराळ व पाणी बॉटल वाटप करण्यात आले होते .या वेळी हजारो भाविकांनी फराळाचा लाभ घेतला .या सोहळ्यासाठी दिवसभर अनेक जण ठीक ठीकाणी फराळ व चहा पाण्याची सोय करतात.
धाकटी पंढरी धनेगाव येथील विठ्ठल रुक्मिणी मंदिर ट्रस्ट चे अध्यक्ष भरत (बप्पा) काळे आहेत तर उपाध्यक्ष दत्तात्रय काळे, सचिन काळे, बबनराव भोसले, खजिनदार संतोष काळे,संचालक लक्ष्मण लव्हाळे,जयसिंग जाधव, बाळासाहेब टिपरे, उत्तम भोसले, हिरालाल देशमुख, गणेश काळे, महादेव जाधव, बाळासाहेब पौळ, (अचारी) ,हरीभाऊ टीपरे, लक्ष्मण जाधव, रघुनाथ उंबरे, शिवाजी भोळे , शहाजी टीपरे यांनी या कार्यक्रमाचे विशेष नियोजन केले होते. तसेच या ट्रस्ट चे कायदेशीर सल्लागार म्हणून अँड अनिल काळे काम पाहतात तर मुख्य सल्लागार म्हणून प्रा. मधुकर राळेभात व सामाजिक कार्यकर्ते प्रा. सचिन गायवळ आहेत. दोन दिवस संपूर्ण परिसर भक्ती रसात नाहून निघाला निघतो. मंदिर ट्रस्ट समितीच्या वतीने भाविकांचे चोख नियोजन केले जाते.
चोकट
सामाजिक एकात्मतेचे खरे प्रतिक धनेगाव धाकटी पंढरी मुस्लिम धर्मीय लोक एकादशी दिवशी उपवास धरतात मंदिर बांधकामासाठी पाणी कमी पडले तेव्हा मशिदितून पाणी मुस्लिम बांधवांनी पाणी दिले होते. तसेच आषाढी एकादशी चा उपवास मुस्लिम बांधव करतात यामुळे खरोखरच धनेगाव सामाजिक ऐक्याचे प्रतिक आहे.
