पंचायत समिती, जिल्हा परिषद व नगरपरिषद निवडणूकीत घवघवीत यश मिळवून सभापती प्रा. राम शिंदे यांचा विश्वास सार्थ ठरविणार भाजपाचे ग्रामीण मंडलाध्यक्ष बापुराव ढवळे व शहर मंडलाध्यक्ष संजय काशिद यांना विश्वास
पंचायत समिती, जिल्हा परिषद व नगरपरिषद निवडणूकीत घवघवीत यश मिळवून सभापती प्रा. राम शिंदे यांचा विश्वास सार्थ ठरविणार
भाजपाचे ग्रामीण मंडलाध्यक्ष बापुराव ढवळे व शहर मंडलाध्यक्ष संजय काशिद यांना विश्वास
जामखेड भाजपाच्या ग्रामीण मंडलाध्यक्ष पदी बापुराव ढवळे तर शहर मंडल अध्यक्षपदी संजय काशिद यांची नियुक्ती करण्यात आली आहे. दोघेही विधानपरिषदेचे सभापती प्रा राम शिंदे यांचे विश्वासू समजले जातात. या अध्यक्षांच्या नेतृत्वाखाली जामखेड नगरपरिषद व पंचायत समिती, जिल्हा परिषद निवडणुका होणार आहेत.
या निवडणुकीत घवघवीत यश मिळवत सभापती प्रा राम शिंदे यांचा विश्वास सार्थ ठरवू असे जामखेड ग्रामीण मंडलाध्यक्ष बापुराव ढवळे व शहरमंडलाध्यक्ष संजय काशिद यांनी जामखेड न्युजशी बोलताना सांगितले.
जामखेड भाजपाच्या ग्रामीण मंडलाध्यक्ष पदी विधानसभेचे सभापती प्रा राम शिंदे यांचे विश्वासू सहकारी तसेच पिंपरखेड येथील हॅट्रिक सरपंच बापुराव ढवळे व शहर मंडलाध्यक्ष पदी संजय काशिद यांची निवड करण्यात आली आहे. येणाऱ्या निवडणुकीत दोन्ही अध्यक्ष आपल्या नेतृत्वाची चुणूक दाखवून घवघवीत यश संपादन करतील अशीच चर्चा सध्या सगळीकडे आहे. आम्ही शिंदे साहेबांचा विश्वास निवडणूकीत विजय संपादन करून मिळवू असे ढवळे व काशिद यांनी सांगितले.
जामखेड तालुका ग्रामीण मंडलाध्यक्ष बापुराव ढवळे
तालुकाध्यक्ष बापुराव ढवळे हे सभापती प्रा राम शिंदे यांचे विश्वासू आहेत तसेच ते पिंपरखेड ग्रामपंचायत चे सलग तीन वेळा सरपंच राहिलेले आहेत. तरुणांमध्ये मोठा चाहतावर्ग त्यांचा आहे. येणाऱ्या ग्रामपंचायत, पंचायत समिती, जिल्हा परिषद निवडणुकीत मित्र पक्षांना बरोबर घेत घवघवीत यश संपादन करू असे सांगितले.
शहर मंडलाध्यक्ष संजय काशिद
विधानसभा निवडणुकीच्या अगोदर ते जामखेड शिवसेना (उबाठा) तालुकाप्रमुख म्हणून काम पाहत होते. विधानसभा निवडणुकीच्या अगोदर त्यांनी आपल्या असंख्य कार्यकर्त्यांसह मुंबई येथे देवेंद्र फडणवीस व प्रा राम शिंदे यांच्या उपस्थितीत भाजपमध्ये प्रवेश केला. ते सभापती प्रा राम शिंदे यांचे विश्वासू म्हणून ओळखले जातात. आपल्या जगदंब प्रतिष्ठान मार्फत विविध सामाजिक उपक्रम ते दरवर्षी राबवितात. हळदी कुंकू कार्यक्रम, विधवा महिलांचा सन्मान करणे, दुर्गा वाहन रँली (महिला) रक्तदान शिबीर, विविध क्षेत्रातील मान्यवरांचा सन्मान, महिला आयोजित शिवजन्मोत्सव सोहळा, गड किल्ले स्वच्छता मोहीम, वढू बुद्रुक येथे दीपोत्सव, मुलींना आत्मनिर्भर बनविण्यासाठी मर्दानी खेळांचे शिबीरे असे विविध कार्यक्रम सतत सुरू असतात. त्यांच्या निवडीमुळे शहरातील तरुणांमध्ये एक वेगळा उत्साह संचारला आहे.
सभापती प्रा राम शिंदे यांच्या मार्गदर्शनाखाली जामखेड शहर व तालुक्यात घवघवीत यश मिळवून त्यांचा विश्वास सार्थ ठरवू असे भाजपाचे ग्रामीण मंडलाध्यक्ष बापुराव ढवळे व शहर मंडलाध्यक्ष संजय काशिद यांनी सांगितले.
