पोतेवाडी पाणीपुरवठा विहिरीवरील अनाधिकृत विद्युत मोटारी हटवल्या, शेजारी विहिरीवरील क्रेन व खरीप ही गायब
जामखेड न्युज इफेक्ट जामखेड न्युज मध्ये पोतेवाडी पाणीपुरवठा विहिरीवर अनाधिकृत विद्युत मोटारी तसेच शेजारी दुसरी विहिर सुरू ही बातमी प्रसिद्ध होतात पाणीपुरवठा विहिरीवरील तीन विद्युत मोटारी शेजारी विहिरीवरील क्रेन, शेजारचे खरीप एका दिवसात हटवले आहे. व विहिरीवर एकच मोटार आहे शेजारी विहिरीचे काम सुरूच नाही असे दाखवण्याचा केविलवाणा प्रयत्न केला आहे.
जामखेड तालुक्यात जलजीवन कामामध्ये कोट्यवधी रुपयांचा भ्रष्टाचार झाला आहे. अशा स्वरूपाच्या अनेक तक्रारी आहेत. यातच पोतेवाडी येथे अजब प्रकार उघडकीस आला आहे. गावात तीव्र पाणी टंचाई असतानाही पाणीपुरवठा योजनेच्या विहिरीवर तीन विद्युत मोटारीच्या साहाय्याने सरपंचाच्या कुटुंबातील शेतीला पाणीपुरवठा होत आहे. शेती हिरवीगार तर गावात तीव्र पाणी टंचाई आहे. यात विशेष भर म्हणजे जलजीवन पाणीपुरवठा योजनेच्या विहिरीच्या जवळच मनरेगा योजनेअंतर्गत स्वत: च्या विहिरीचे काम सुरू आहे तेही अगदी पाणीपुरवठा योजनेच्या पन्नास फूट अंतरावरच विहिरीचे काम सुरू आहे.
अशा आशयाची बातमी जामखेड न्युज मध्ये शनिवार दि २६ रोजी प्रसिद्ध झाली होती बातमी प्रसिद्ध होताच विहिरीत तीन मोटारी तसेच शेजारी विहिरीवरील क्रेन, खरीप ताबडतोब हटवले आहे.
तालुक्यातील पोतेवाडी येथे जलजीवन कामामध्ये मोठ्या प्रमाणावर सावळागोंधळ आहे. गावच्या पाणीपुरवठा योजनेसाठी कोट्यावधी रूपयांच्या निधीतून पाणीपुरवठ्यासाठी नान्नज हद्दीत विहीर व तेथून पाईपलाईन करण्यात आली. अद्याप हस्तांतरण बाकी आहे. सध्या गावात तीव्र पाणी टंचाई आहे. काही ठिकाणी खाजगी टँकर आहेत. पाणी टंचाई असताना सरपंच प्रविण शिवाजी पोते यांनी पाणीपुरवठा विहिरीतून स्वत:च्या कुटुंबातील व्यक्ती च्या शेतातील पिकाला पाणी सुरू आहे. तसेच या विहिरीच्या पन्नास फूट अंतरावर स्वत:च्या शासकीय योजनेतून घेतलेल्या विहिरीचे काम सुरू आहे. शासकीय योजनेतून मिळालेली विहिर इतक्या जवळ कशी मंजुरी दिली याकडे अधिकारी यांचे अर्थपूर्ण दुर्लक्ष झाले आहे.
याबाबत गावातील गणेश (बंडू) नामदेव सगळे यांनी मुख्य कार्यकारी अधिकारी अहिल्यानगर यांना दिलेल्या निवेदनात म्हटले आहे की, सरपंच प्रविण शिवाजी पोते यांनी अधिकाराचा गैरवापर करून गैरवर्तन केल्याने सदस्यत्व व पद रद्द करण्यात यावे असे निवेदन दिले आहे.
निवेदनात म्हटले आहे की, सरपंच प्रविण शिवाजी पोते यांनी गावास पाणी पुरवठा करण्यासाठी नुकत्याच आलेल्या जलजीवन मिशन योजने अंतर्गत पाईपलाईनचे पाणीमुख्य पाईपलाईनला जोडून कुटुंबातील शेती बागायत करणेसाठी स्वतःच्या शेततळयामध्ये टाकुन गैरवापर करत आहेत. यामुळे नागरिकांना पुरेसा पाणीपुरवठा होत नाही.
शासकीय जलजीवन मिशन अंतर्गत विहीरीच्या जवळ अनुदान घेऊन 50 फुट अंतरावर स्वतःची विहीर खोदली असून संबंधित विहीरीची व संपुर्ण जलजीवनमिशन योजनेची चौकशी करावी. सरपंच प्रविण शिवाजी पोते यांनी आपले पदाचा गैरवापर करून गैरवर्तन केले आहे. म्हणुन ते ग्रामपंचायत अधिनियम 1958 चे कलम 39 नुसार चौकशी करून अपात्र ठरतात. असे निवेदनात म्हटले होते. या आशयाची बातमीचा परिणाम झाला आहे. अनाधिकृत विद्युत मोटारी व शेजारी विहिरीवरील क्रेन व खरीप हटवले आहे.
