जामखेड कृषी उत्पन्न बाजार समितीच्या विकास कामात सभापतींनी राजकारण आणू नये – उपसभापती कैलास वराट ८० मेट्रिक टन वजनकाट्याचा लाभ शेतकरी व व्यापारी यांनी घ्यावा

0
457

जामखेड न्युज——

जामखेड कृषी उत्पन्न बाजार समितीच्या विकास कामात सभापतींनी राजकारण आणू नये – उपसभापती कैलास वराट

८० मेट्रिक टन वजनकाट्याचा लाभ शेतकरी व व्यापारी यांनी घ्यावा

 

जामखेड कृषी उत्पन्न बाजार समितीच्या आवारात पन्नास मॅट्रिक टनावरून ऐंशी मेट्रिक टन वजन काट्याचा शुभारंभ काल संपन्न झाला याचा फायदा शेतकरी व व्यापारी यांनी घ्यावा तसेच जामखेड कृषी उत्पन्न बाजार समितीचा विकास स्वनिधीतुनच होत आहे. सरंक्षण भिंत, बोअरवेल, वजनकाटा ही कामे बाजार समितीच्या उत्पनातूनच सुरू आहेत. यात सभापती शरद कार्ले यांनी राजकारण आणण्याचा प्रयत्न करू नये अन्यथा जशास तसे उत्तर दिले जाईल असा इशारा उपसभापती कैलास वराट यांनी सभातींना दिला. 

लोकनेते सहकार महर्षी स्वर्गीय जगन्नाथ (तात्या) राळेभात यांच्या तत्वानुसार, विधानसभा सदस्य आमदार रोहित पवार, व जिल्हा बँकेचे संचालक अमोल राळेभात यांच्या सुचनेनुसार बाजार समितीच्या माध्यमातून शेतकरी व बाजार समितीच्या आवारातील व्यापारी यांच्यासाठी अनेक सोईसुविधा निर्माण करून दिल्या जात असून सहकाराच्या विकास कामात कोणतेही राजकारण न आणता सहकार्य करण्याची भुमीका घेतलेली आहे. असे उपसभापती कैलास वराट यांनी सांगितले. 
बाजार समितीने उपलब्ध करून दिलेल्या ८० मॅटिक टन वजनकाट्याचा सर्व शेतकरी बांधव व व्यापारी बांधवानी या संधीचा लाभ घ्यावा असे आवाहन केले आहे. 

जामखेड तालुक्यातील शेतकऱ्यांच्या हितासाठी व त्यांना सोईसुविधांची उपलब्ध करून देण्यासाठी अग्रेसर असलेले कृषी उत्पन्न बाजार समितीचे उपसभापती कैलास वराट व संचालक मंडळाने आणखी एक पाऊल उचलेले असून शेतकरी व व्यापारी यांना येणारी वजन काट्याची अडचण लक्षात घेऊन पन्नास टनावरून बाजार समितीच्या मुख्य आवारात ८० मॅटिक टन वजनकाटा सुरु करण्यात आला आहे. तसेच विकास कामात सहकार्य करण्याचे धोरण सर्व संचालकांनी घेतले आहे असे उपसभापती कैलास वराट यांनी सांगितले. 

काल दि. २८ डिसेंबर रोजी दुपारी ४.०० वाजता उत्पन्न बाजार समितीचे उपसभापती कैलास वराट,
माजी सभापती सुधीर राळेभात, सभापती शरद कार्ले, डॉ सिताराम ससाने, बबन हुलगुंडे, विठ्ठल चव्हाण, सुरेश पवार, गजानन शिंदे, सचिव वाहेद सय्यद, उपसचिव ढगे, व्यापारी महेंद्र बोरा, रामहरी गंडाळ, फिरोज कुरेशी प्रगतशील शेतकरी महादेव डोके, संजय डोके आदि मान्यवरांच्या हस्ते व उपस्थितीत या ८० मॅटिक टन वजनकाट्याचे उद्घाटन करण्यात आले.

यावेळी तालुक्यातील व्यापारी व शेतकरी मोठय़ा संख्येने उपस्थितीत होते. सन्माननीय सर्व संचालक मंडळाच्या उपस्तिथीत शुभारंभ करण्यात आला आहे. याचा लाभ परिसरातील शेतकरी व व्यापारी यांनी घ्यावा असे आवाहन उपसभापती कैलास वराट यांनी केले आहे.

LEAVE A REPLY

Please enter your comment!
Please enter your name here