जामखेड न्युज———
कर्जत जामखेड मतदारसंघातील 17 मतदान केंद्रांवरील ईव्हीएम बाबत आमदार प्रा. राम शिंदे यांना संशय,
पहा कोणत्या मतदान केंद्रावरील ईव्हीएम पडताळणी साठी भरली रक्कम
विधानसभा निवडणुकीत सध्या मविआतील अनेक पराभूत उमेदवारांनी ईव्हीएम फेरतपासणीची मागणी केली असताना आता भाजपच्या उमेदवारानेही ईव्हीएम वर शंका उपस्थित केली आहे. कर्जत- जामखेडचे भाजपचे उमेदवार राम शिंदे यांनी त्यांच्या मतदारसंघातील 17 बूथवरील ईव्हीएमची फेरतपासणीची मागणी केली आहे. यासाठी राम शिंदे यांनी 8 लाख 2 हजार 400 रुपयांचे शुल्क शासनानकडे भरले आहे.
ईव्हीएम मशीन विषयी राज्यभरात चर्चा सुरु असताना आता राम शिंदे यांनीकर्जत-जामखेड मतदारसंघातील एकूण १७ ईव्हिएम मशीनच्या पडताळणीची मागणी निवडणूक आयोगाकडे केलीयं. त्यासाठीराम शिंदे यांनी ८ लाख २ हजार ४०० रुपयांचे शुल्क आकारलेआहेत. यामध्ये फक्राबाद, अरणगाव, कोल्हेवाडी, साकत, राजेवाडी, पाडळी, मुंगेवाडी, खर्डा, कर्जत शहर, पिंपळवाडी, बर्गेवाडी, कापरवाडी, पाटेवाडी, या बुथवरील ईव्हिएम मशीन मध्येराम शिंदे यांनी शंका उपस्थित केलीयं. त्यामुळे या भागातील ईव्हिएम मशीनच्या पडताळणीची मागणी राम शिंदे यांनी निवडणूक आयोगाकडे केली आहे.
संपूर्ण राज्यात कर्जत जामखेडची निवडणूक चर्चेचा विषय ठरली होती. कारण या मतदारसंघाच्या मतमोजणीला सुरुवातझाल्यापासून रोहित पवार आणि राम शिंदे यांच्यात चुरस सुरु असल्याचं पाहायला मिळालं होतं. अखेर राष्ट्रवादी काँग्रेस शरद पवार गटाचे रोहित पवार हे १२४३ मतांनी विजयी झाले तर राम शिंदे यांना पुन्हा पराभवाला सामोरं जावं लागलं.
कर्जत जामखेडमधील विधानसभा निवडणूक अटीतटीची झाल्याचं दिसून आलं. राष्ट्रवादी शरद पवार गटाच्या रोहित पवारांनी ही निवडणूक अवघ्या 1243 मतांनी जिंकली. हा पराभव मात्र राम शिंदेंच्या जिव्हारी लागल्याचं दिसतंय. त्यामुळेच त्यांनी कर्जत-जामखेडमधील 17 बूथवरील ईव्हीएमच्या फेरतपासणीची मागणी केली. त्यासाठी त्यांनी 8,02,400 रुपयेही भरले आहेत.
