जामखेड न्युज——
रोहित पवार सर्वांना बरोबर घेऊन विकासाचे राजकारण करतात – सुनंदाताई पवार
विरोधक जातीपातीचे राजकारण करून मते मागतात
आमदार रोहित पवार यांनी पाच वर्षांत सर्वांना बरोबर घेत रस्ते, वीज, पाणी, शिक्षण, आरोग्य या क्षेत्रात सर्वांना बरोबर घेत विकासाचे राजकारण केले कधीही जातपात पाहिली नाही. विरोधक मात्र
जातीच्या नावावर मते मागतात ही शोकांतिका आहे. असे सुनंदाताई पवार यांनी सांगितले.
मागील विधानसभेच्या निवडणुकीत तुम्ही महिला व नागरिकांनी रोहित पवार यांना निवडून दिले त्यांनी पाच वर्षात काम करताना शिक्षण आरोग्य व पाणी वाटप करताना कधीही कोणत्या पक्षाचा आहे हे विचारता सर्व समाजाला बरोबर घेऊन कामे केली परंतु विरोधक जातीपातीचे राजकारण करून मते मागतात त्यांना त्यांची जागा मताच्या रूपाने दाखवून द्या असे आवाहन सुनंदाताई पवार यांनी केले.
त्या खर्डा येथे चौंडेश्वरी मंदिरावर आयोजित महिलांच्या मेळाव्यात बोलत होत्या. यावेळी पंचायत समितीचे माजी सभापती राजश्री मोरे, राष्ट्रवादी काँग्रेस शरदचंद्र पवार पक्षाचे तालुकाध्यक्ष विजयसिंह गोलेकर, ग्रामपंचायत सदस्य दादा जमकावळे, अशोक खटावकर, सुनील साळुंखे, राजेंद्र गोलेकर, मुकुंद आप्पा गोलेकर, पोपट भुते, दत्तात्रय भोसले, कल्याण सुरवसे, शशिकांत गुरसाळी इत्यादी उपस्थित होते.
सुनंदा पवार पुढे बोलताना म्हणाल्या की, आपल्या भागाचा सर्वांगीण विकास करण्यासाठी आमदार रोहित पवार यांनी अतिशय मेहनत घेतली आहे. विकास योजना मार्गी लावण्याचे काम केले. प्रत्येक ठिकाणी लढणारा, विधानसभेत कर्जत जामखेड चे प्रश्न मांडणारा, सरकारच्या विरोधात भिडणारा, इडीच्या कारवाईला सामोरे जाणारा अशी त्याची महाराष्ट्रात ओळख निर्माण झाली आहे.
खर्डा येथे जागतिक उंचीचा स्वराज्य ध्वज, नवीन पोलीस स्टेशन, शेतकऱ्यांसाठी वखार महामंडळाचे गोडाऊन, संत गीते बाबा, संत सिताराम गडासाठी कोट्यवधी निधी, बस स्टॅन्ड सिमेंट रस्ता, मतदार वस्ती, घनकचरा व्यवस्थापन, जुना वाकी रस्ता, खर्डा जातेगाव चौसाळा रस्ता, टाकळी, कडा, जामखेड रस्ता, खर्डा परिसर पर्यटन निधी, मुरुमीकरण, पानंद रस्ते, शुक्रवार पेठ ते गीतेवाडी पर्यंत रस्ता, खर्डा जलजीवन पाणीपुरवठा योजना,खर्डा किल्ला ते सीताराम गड दुहेरी रस्ता इ.कामासाठी 60 कोटी 54 लाख रुपयांचा निधी उपलब्ध केला आहे.
तसेच पुढील काळात खर्डा किल्ला सुशोभीकरण, लहान मुलांना सायकल वाटप, डोळ्यांचे ऑपरेशन, हृदयविकाराचे ऑपरेशन, वस्ती व गाव तिथे दवाखाना, बचत गटांना कर्ज वाटप, खर्डा येथे महिलांसाठी कापड निर्मिती उद्योग समूह या माध्यमातून हजारो महिलांच्या हाताला काम मिळणार असल्याचे सुनंदा पवार यांनी यावेळी उपस्थित महिलांना सांगितले.
एवढे विकास कामे करणारा आमदार रोहित पवार मी महिलांनो तुमच्या ओटीत टाकला आहे त्याला मतदान रुपी आशीर्वाद द्यावेत असे आवाहन शेवटी सौ.पवार यांनी व्यक्त केले. कार्यक्रमाचे प्रास्ताविक सतीश शिंदे यांनी तर आभार विजयसिंह गोलेकर यांनी मानले.
