शाळांना 20 टक्के वाढीव अनुदान राज्य मंत्रिमंडळ बैठक अतिरिक्त निर्णय

जामखेड न्युज——

शाळांना 20 टक्के वाढीव अनुदान

राज्य मंत्रिमंडळ बैठक अतिरिक्त निर्णय

सध्या टप्पा अनुदान घेत असलेल्या शासन मान्य खाजगी अंशत: अनुदानित शाळांना 20 टक्के अनुदानाचा वाढीव टप्पा निधीसह मंजूर करण्याचा निर्णय घेण्यात आला आहे.

निकषांची पूर्तता केलेल्या 820 प्राथमिक शाळा, 3513 वर्ग/ तुकड्या व त्यावरील 8602 शिक्षक/शिक्षकेतर कर्मचारी, 1984 माध्यमिक शाळा, 2380 वर्ग किंवा तुकड्या व त्यावरील 24028 शिक्षक आणि शिक्षकेतर कर्मचारी, 3040 उच्च माध्यमिक शाळा, कनिष्ठ महाविद्यालय, 3043 वर्ग, तुकड्या, अतिरिक्त शाखा व त्यावरील 16932 शिक्षक आणि शिक्षकेतर कर्मचारी, ( एकूण 5844 शाळा, 8936 वर्ग/तुकड्या/अति.शाखा व त्यावरील एकूण 49562 शिक्षक/ शिक्षकेतर कर्मचारी) अनुदानाच्या विविध टप्पावर वेतन अनुदान घेत आहेत. त्यांना 20 टक्के अनुदानाचा पुढील टप्पा अनुज्ञेय करण्यात आला.