जामखेड न्युज——
दोन महिन्यांपूर्वी नायब तहसीलदार व मंडलाधिकारी यांना मारहाण व धक्काबुक्की करणारा आरोपी जामखेड पोलीसांनी पकडला
दोन महिन्यांपूर्वी जामखेड परिसरात तहसीलदार यांच्या आदेशानुसार गौण खनिजाची अवैध वाळु वाहतुकीची कारवाई करत असताना तीन एप्रिल रोजी तालुक्यातील पाटोदा शिवारात विना नंबरचा हायवा बेकायदेशीर वाळू करताना आढळून आला तो हायवा तहसील कार्यालयात घेऊन येत असतात आरोपी स्विफ्ट कारमध्ये दोघे जण येऊन नायब तहसीलदार व मंडलाधिकारी यांना मारहाण करून त्यांच्या ताब्यातील हायवा ट्रक घेऊन पळून गेले मारहाण व सरकारी कामात अडथळा निर्माण करणे असा गुन्हा जामखेड पोलीस स्टेशनला दाखल करण्यात आला होता.
तहसीलदार गणेश माळी यांचे आदेशान्वये नायब तहसीलदार विजय इंगळे मंडल अधिकारी नंदकुमार गव्हणे हे गौण खनिजाची अवैध वाळु वाहतुकीची कारवाई करत असताना दिनांक ०३/०४/२०२४ रोजी रात्री ०८/३० वासुमा. पाटोदा (गरडाचे) ता. जामखेड गावचे शिवारात विशाल हॉटेलच्या जवळ पाटोदा ते जामखेड जाणारे रोडवरएक विना नंबरचा हायवा ट्रक वाळु (गोण खनीज) चोरी करुन घेवुन जाताना मिळुन आल्याने त्यास त्यांनी पकडुन नमुद हायवा ट्रक तहसिल कार्यालय जामखेड येथे घेवून येत असतांना आरोपी नामे १) अमोल किसन आजबे रा. जमादारवाडी ता. जामखेड 2) स्विफ्ट कार वरील अज्ञात चालक यांनी सदरचा हायवा ट्रक आडवुन फिर्यादी नंदकुमार गव्हाणे व साक्षीदार हे करत असलेल्या सरकारी कामात अडथळा आणुन फिर्यादी व साक्षीदार यांना मारहान, धक्काबुक्की करुन त्यांचे ताब्यातील हायवा मध्ये जबरीने घेवुन गेले.
त्यांना भातोडी गावाचे शिवारात शिंदे वस्तीच्या पुढे नेवुन हायावातुन धक्का देवुन खाली उतरवुन देवुन फिर्यादी व साक्षीदा यांनी दिलेल्या आदेशाची अवहेलना करुन सदरचा हायवा त्यांचे ताब्यातुन गौण खनीजासह घेवुन पळुन गेले बाबत श्री नंदकुमार गव्हाणे यांनी जामखेड पोलीस ठाणे येथे गुन्हा दाखल केला होता.
सदर गुन्हयातील आरोपी अमोल किसन आजबे याचा पोलीस निरीक्षक महेश पाटील यांचे मार्गदर्शनाखाली जामखेड पोलीस ठाणे येथे पोलीस शोध घेत असताना सदर आरोपी हा चिंचपुर गावचे शिवारात आष्टी येथे एका हॉटेल मध्ये येणार असले बाबत माहिती मिळाल्याने पोलीस निरीक्षक महेश पाटील यांचे मार्गदर्शनाखाली स. पो. नि. गौतमकुमार तायडे, पोहेकॉ अजय साठे, प्रविण इंगळे, पोलीस शिपाई प्रविण पालवे दिपक बोराटे, ज्ञानेश्वर बेल्हेकर, सचिन पिरगळ चालक आडसुळ यांनी सदर हॉटेल जवळ सापळा लावुन आरोपी अमोल किसन आजबे यास मोठ्या शिताफिने पकडुन त्यास सदर गुन्हयात अटक केली.
त्यास न्यायालयासमोर हजर केले असता दोन दिवसाची पोलीस कस्टडी रिमांड घेण्यात आले असुन रिमांड कालावधीत आरोपी अमोल आजबे याचेकडुन गुन्हयातील हायवा ट्रक जप्त केला आहे. सदर गुन्हयाचा तपास मा. पोलीस निरीक्षक महेश पाटील यांचे मार्गदर्शनाखाली पोहवा प्रविण इंगळे, हे करत आहेत.
