जामखेड न्युज——–
जामखेड ते हरिद्वार दोन हजार किलोमीटर दहा दिवसांत सायकलवर
जामखेड येथील समीर शेख यांची कामगिरी
दरवर्षी प्रमाणे या वर्षी समीर शेख यांनी जामखेड ते हरिद्वार असा दोन हजार किलोमीटरचा सायकल प्रवास दहा दिवसांत यशस्वी पुर्ण केला यामध्ये त्यांनी पर्यावरण संरक्षण तसेच व्यायामाचे महत्त्व सांगितले यशस्वी प्रवासाबद्दल समीरचे सर्वत्र अभिनंदन होत आहे.
जामखेड येथील समीर शेख हे दरवर्षी नवीन वर्षाच्या सुरुवातीला देशातील एक ठिकाण निवडतात व आठ दहा दिवस सायकल वर प्रवास करत पर्यावरण जागृती व व्यायामाचे महत्त्व याचा संदेश देतात.
समीर शेख यांनी आतापर्यंत केलेला सायकल प्रवास
2021, 2022 ला सायकल प्रवास जामखेड ते अजमेर 1110 km चा सायकल प्रवास केला आहे.
गेल्या वर्षी 2023 ला ते जामखेड ते दिल्ली 1670 km प्रवास 8 दिवसात पूर्ण केले होते.
तर गतवर्षी ते 2024 ला जामखेड ते हरिद्वार 1980 km प्रवास 10 दिवसात पूर्ण करण्याचा निर्धार केला आहे.
जामखेड न्युजशी बोलताना शेख समीर म्हणाले की, मी दरवर्षी प्रमाणे ह्या वर्षी सोलो सायकल राईड करत आहे वर्षाची पहिली सुरुवात माझी सायकल प्रवास करत चांगले वाईट अनुभव घेत मजेशीर जिवन जगत तसेच, कसलेही कामाचे तान, तणाव न घेता स्वतः साठी हे वर्षाचे 10 ते 15 दिवस मी जगण्याचा गोड अनुभव घेत असतो. असे समीर शेख यांनी सांगितले.
आयुष्यात माणसाने स्वतः साठी जगून घ्यावे शेवटी हा अनुभव खूप सुख देतो हा माझा विचार आहेत , हा सायकल प्रवास माझा 4 था आहे जो मी जामखेड ते हरिद्वार 2000km चा करणार आहे मला हा प्रवास 10 दिवसात पूर्ण करायचा आहे असा माझा निश्चय आहे.
माझ्या प्रवासाचे उद्दिष्ट पर्यावरण जनजागृती, तसेच रोजच्या जीवनात व्यामचे महत्त्व हे लोकांपर्यंत संदेश ह्या माध्यमातून पोहोचवाईचे आहे
समीर शेख यांनी अशा प्रकारे केला प्रवास
जामखेड, आष्टी, कडा नगर, राहुरी, शिर्डी, येवला, मनमाड, मालेगाव, धुळे, शिरपूर, सेंधवा ( मध्यप्रदेश) , धार, रतलाम, जावरा, चितोडगड, भिलवाडा, ( राजस्थान) अजमेर, किशनगड, जयपूर, दारुहेडा, ( हरियाणा ), नोएडा, गुरुग्राम, दिल्ली, मुजफ्फरनगर ( उत्तरप्रदेश) कलियर ( उत्तरांचल) हरिद्वार असा असून माझा हा सायकल प्रवास सात राज्यातून होणार आहे.( महाराष्ट्र, मध्यप्रदेश, राजस्थान, हरियाणा, दिल्ली, उत्तरप्रदेश, आणि उत्तरांचल)
बुधवार दि. १० रोजी समीर शेख हे सायंकाळी सहा वाजता हरिद्वार येथे पोहचले एक तारखेला सुरू केलेला प्रवास दहा तारखेला पुर्ण केला प्रवास पुर्ण केलेला फोटो सोशल मीडियावर व्हायरल होताच समीरवर अभिनंदनाचा वर्षाव होत आहे.
