जामखेड न्युज——
जामखेडचा तरूण सायकलवर चालला हरिद्वारला
दोन हजार किलोमीटर दहा दिवसांत जाणार
पर्यावरण जागृती व व्यायामाचे महत्त्व सांगणार
जामखेड येथील समीर शेख हे दरवर्षी नवीन वर्षाच्या सुरुवातीला देशातील एक ठिकाण निवडतात व आठ दहा दिवस सायकल वर प्रवास करत पर्यावरण जागृती व व्यायामाचे महत्त्व याचा संदेश देतात. त्यांच्या या सायकल प्रवासास जामखेड क्लब व जामखेड करांच्या वतीने शुभेच्छा दिल्या आहेत.
समीर शेख यांनी आतापर्यंत केलेला सायकल प्रवास
2021, 2022 ला सायकल प्रवास जामखेड ते अजमेर 1110 km चा सायकल प्रवास केला आहे.
गेल्या वर्षी 2023 ला ते जामखेड ते दिल्ली 1670 km प्रवास 8 दिवसात पूर्ण केले होते.
तर गतवर्षी ते 2024 ला जामखेड ते हरिद्वार 1980 km प्रवास 10 दिवसात पूर्ण करण्याचा निर्धार केला आहे.
जामखेड न्युजशी बोलताना शेख समीर म्हणाले की, मी दरवर्षी प्रमाणे ह्या वर्षी सोलो सायकल राईड करत आहे वर्षाची पहिली सुरुवात माझी सायकल प्रवास करत चांगले वाईट अनुभव घेत मजेशीर जिवन जगत तसेच, कसलेही कामाचे तान, तणाव न घेता स्वतः साठी हे वर्षाचे 10 ते 15 दिवस मी जगण्याचा गोड अनुभव घेत असतो.
आयुष्यात माणसाने स्वतः साठी जगून घ्यावे शेवटी हा अनुभव खूप सुख देतो हा माझा विचार आहेत , हा सायकल प्रवास माझा 4 था आहे जो मी जामखेड ते हरिद्वार 2000km चा करणार आहे मला हा प्रवास 10 दिवसात पूर्ण करायचा आहे असा माझा निश्चय आहे.
माझ्या प्रवासाचे उद्दिष्ट पर्यावरण जनजागृती, तसेच रोजच्या जीवनात व्यामचे महत्त्व हे लोकांपर्यंत संदेश ह्या माध्यमातून पोहोचवाईचे आहे तसेच माझ्या प्रवासाचा मार्ग— जामखेड, आष्टी, कडा नगर, राहुरी, शिर्डी, येवला, मनमाड, मालेगाव, धुळे, शिरपूर, सेंधवा ( मध्यप्रदेश) , धार, रतलाम, जावरा, चितोडगड, भिलवाडा, ( राजस्थान) अजमेर, किशनगड, जयपूर, दारुहेडा, ( हरियाणा ), नोएडा, गुरुग्राम, दिल्ली, मुजफ्फरनगर ( उत्तरप्रदेश) कलियर ( उत्तरांचल) हरिद्वार असा असून माझा हा सायकल प्रवास सात राज्यातून होणार आहे.( महाराष्ट्र, मध्यप्रदेश, राजस्थान, हरियाणा, दिल्ली, उत्तरप्रदेश, आणि उत्तरांचल)
आपणास हीच विनंती आहे की जर मला प्रवासा दरम्यान अडचण आली तर मला मदत करावी अशी विनंती मी आपणास करतो माझा मोबाईल क्रमांक 808 77 808 41 हा आहे. असे आवाहन समीर शेख यांनी केले आहे.
