जामखेड न्युज——
कर्जत जामखेडच्या जनतेला कळले आपला तो आपलाच असतो – आमदार प्रा. राम शिंदे
रत्नापुर येथे सुहास वारे मित्रमंडळाच्या वतीने आमदार प्रा. शिंदे यांचा वाढदिवस साजरा
कर्जत जामखेड तालुक्यातील जनतेची सेवा केली यामुळे कर्जत जामखेड तालुका सुजलाम सुफलाम झाला आहे. दोन अडीच वर्षात जनतेला कळले आहे की आपला तो आपलाच असतो बाहेरच्या चे काही खरे नाही यामुळे सोडून गेलेले परत येत आहेत मी आतापर्यंत कधीही कोणाला मोबाईल फेकून मारला नाही किंवा गाडीतून खाली उतरवले नाही. असे मत प्रा. राम शिंदे यांनी व्यक्त केले.
रत्नापूर या ठिकाणी रविवार दि ३१ डिसेंबर रोजी माजी सरपंच दादासाहेब वारे व भाजपा युवा नेते सुहास वारे यांनी आ. प्रा.राम शिंदे यांच्या वाढदिवसानिमित्त सत्कार समारंभ सोहळा आयोजित करण्यात केला होता यावेळी आ. प्रा राम शिंदे बोलत होते.
यावेळी सामाजिक कार्यकर्ते प्रा. सचिन गायवळ,
भाजपा तालुकाध्यक्ष अजय काशिद, कृषी उत्पन्न समितीचे सभापती शरद कार्ले, माजी सभापती डॉ. भगवान मुरूमकर, संतोष गव्हाळे, नगरसेवक अमित चिंतामणी, बिभीषण धनवडे, दादासाहेब वारे, सुहास वारे, रवी सुरवसे, सदाशिव कवादे अँड प्रविण सानप, बापुराव ढवळे, बंकट बारवकर, गोरख घनवट, उद्धव हुलगुंडे, बिट्टु मोरे, अल्ताफ शेख, डॉ. गणेश जगताप, तुषार बोथरा, डॉ. प्रशांत वारे, डॉ. अनिल गायकवाड, डॉ. मुळीक, डॉ. प्रदीप कात्रजकर, चित्रांगण वारे, दिंगाबर वारे, चेअरमन बबनराव ढवळे, राजू वारे, पिंटू जाधव, गोरख राजगुरू, अशोक मोरे, उद्धव ढवळे, राजेंद्र नरवडे, दत्तात्रय वारे, उमेश मोरे, अशोक महारनवर, सुनील जाधव विकास मोरे यासह अनेक भाजपा पदाधिकारी व अनेक मान्यवर उपस्थित होते.
पुढे बोलताना आ. प्रा राम शिंदे म्हणाले की राजकारण करत आसताना आपल्या भागाचा विकास पाहिजे. काम कोणाचेही असो निस्वार्थ पणाने केलेले काम योग्य असते. मी दुसर्‍यांसारखे ढोस देत नाही मात्र जनता जनार्दन हाच माझा ढोस आहे.
सार्वजनिक जीवनात सर्वसामान्य कुटुंबात जन्म घेतला त्यामुळे मी पण मंत्री झाल्यावर लोकांची काय अडचण असते ती मी समजु शकलो व त्यामुळेच मी लोकांची कामे करु शकलो. जामखेडची २५० कोटी रुपयांची पाणीपुरवठा योजना आमचे सरकार आल्यावर मंजुर करुन आणु शकलो आता काम सुरू झाले आहे. त्यामुळे पुढील ३५ वर्षे जामखेडकरांचा पाणीप्रश्न सोडवू शकलो.
जामखेड तालुक्यातील हळगाव येथे ६५ कोटींचे शासकीय महाविद्यालय तसेच कुसडगांव चे भारत बटालियन ट्रेनिंग सेंटर सुरू केले. बाहेरचा गडी कधी जाईल सांगता येत नाही त्यामुळे आपल्या गावातीलच गडी कामाचा आहे. मी कुणाला गाडीतून उतरवत नाही तर गाडीत बसवतो त्यामुळे पदाधिकारी व कार्यकर्ते माझ्यावर नाराज होत नाहीत. जनता जनार्दनाची सेवा हिच माझी उर्जा आहे. आभार युवा नेते सुहास वारे यांनी आभार मानले.
