जामखेड न्युज——
पंचवीस वर्षांच्या सत्तेला युवकांनी लावला सुरूंग, कोठारी पॅनलचा धुव्वा उडवत गुगळे बाफना पॅनलची बाजी
जामखेड येथील श्री वर्धमान स्थानकवासी जैन श्रावक संघ या संस्थेच्या १३ जागांसाठी दि. २९ रोजी झालेल्या निवडणुकीत परिवर्तन पॅनल आठ जागा तर अरिहंत पॅनल तीन जागा व दोन जागांवर अपक्षांना विजय मिळाला. जैन समाजाच्या पंचवीस वर्षांच्या इतिहासात प्रथमच निवडणूक घेण्यात आली. या निवडणूकीत एकुण तेरा जागेसाठी तीस उमेदवार रिंगणात होते. यामध्ये एकुण ८२३ मतदारांपैकी ७१६ मतदारांनी आपला मतदानाचा हक्क बजावला. यामध्ये दोन गट पाडण्यात आले होते.
गेले पंचवीस वर्षे कोठारी यांच्या ताब्यात सत्ता होती. याच सत्तेला सुरूंग लावला. गुगळे बाफना यांनी तरुणांना एकत्रित करून परिवर्तन पॅनल स्थापन करत आठ जागा जिंकल्या तर सत्ताधारी कोठारी यांच्या अरिहंत पॅनलला तीन जागा मिळाल्या दोन जागेवर अपक्षांनी बाजी मारली.
यापैकी अ गटातून पाच उमेदवार निवडून द्यायचे होते. या गटातील तेरा मते बाद झाली. तर ब गटातील चौदा मते बाद झाली. या निवडणुकीसाठी निवडणूक निर्णय अधिकारी म्हणून ॲड. हर्षल डोके तर सह निवडणूक अधिकारी म्हणून ॲड. ए. जे. जायभाय व ॲड. पी. एन. ससाणे तर मदतीसाठी ॲड. नितीन घुमरे, ॲड. पप्पू थोरात, ॲड. सागर पवार यांनी काम पाहिले. तसेच पोलीस प्रवीण इंगळे, पोलीस नाईक अजय साठे, नासीर खान यांनी चोख पोलीस बंदोबस्त ठेवला होता.
परिवर्तन पॅनलचे आठ विजयी उमेदवार
आकाश बाफना (४४३) मंगेश बेदमुथ्था (४१२) महावीर बाफना (३८८) शरद शिंगवी (३७२) निखिल बोथरा (३३२) दिलीप गुगळे (४४८) संतोष फिरोदिया (३५०) कुंदनमल भंडारी (३७९)
अरिहंत पँनलचे तीन विजयी उमेदवार
माजी अध्यक्ष कांतीलाल कोठारी (३८१)
विनोद बेदमुथ्था (३४५) जितेंद्र बोरा (३५८)
दोन अपक्ष विजयी
संजय गांधी (३०४) लक्ष्मी रवींद्र गादिया (३१६)
असे एकुण तेरा उमेदवार विजयी झाले आहेत दि २९ रोजी सकाळी नऊ वाजता मतदानास सुरवात झाली आणि सायंकाळी सात वाजता मतमोजणीला सुरुवात झाली दि ३० रोजी सकाळी सहा वाजता मतमोजणी संपली ही निवडणूक प्रतिष्ठेची केली होती.
