जामखेड न्युज—–
जामखेड तालुक्यातील ग्रामपंचायत निवडणूकीत चुरस
तीन ग्रामपंचायत सरपंच पदासाठी १० अर्ज तर २९ सदस्यांसाठी ५९ अर्ज शिल्लक
जामखेड तालुक्यातील जवळा, मतेवाडी, मूंजेवाडी या तीन ग्रामपंचायतीचा सार्वत्रिक निवडणुकीचा कार्यक्रम लागला असून आज उमेदवारी मागे घेण्याच्या दिवशी सरपंच पदासाठीच्या १३ जणांनी तर सदस्य पदासाठीच्या ६१ जणांनी माघार घेतली यामुळे तीन ग्रामपंचायत सरपंच पदासाठी दहा उमेदवार तर २९ सदस्यांसाठी ५९ अर्ज शिल्लक राहिले आहेत यामुळे कुठे दुरंगी कुठे तिरंगी तर काही ठिकाणी पंचरंगी लढत होत आहे. फक्त मुंजेवाडी ग्रामपंचायत एक सदस्याची निवड बिनविरोध झाली आहे.
आता पाच नोव्हेंबर रोजी निवडून व सहा नोव्हेंबर रोजी निकाल जाहीर होणार आहे. यामुळे आज चिन्ह वाटप झाले आहे. आता ग्रामपंचायत सदस्य व सरपंच निवडणुकीत रंगत वाढणार आहे.
जवळा ग्रामपंचायत मध्ये
अंतिम उमेदवार
एका सरपंच पदासाठी 5 उमेदवार नशीब आजमावत आहेत तर 15 सदस्यांसाठी
33 उमेदवार नशीब आजमावत आहेत.
ग्रामपंचायत मतेवाडी
एका सरपंच पदासाठी दोन उमेदवार तर सात
सदस्यांसाठी 13 उमेदवार नशिब आजमावत आहेत.
ग्रामपंचायत मुंजेवाडी एका सरपंच पदासाठी तीन उमेदवार तर सात ग्रामपंचायत सदस्य पदासाठी 13 उमेदवार नशिब आजमावत आहेत.
तालुक्यात मोठी असलेल्या जवळा ग्रामपंचायत सार्वत्रिक निवडणुक २०२३ च्या निवडणुकीत सदस्यपदाच्या १५ जागेसाठी 33 उमेदवार निवडणूक लढवत आहेत. तसेच सरपंचपद राखीव असल्याने सरपंचपदासाठी पाच उमेदवार निवडणूक लढवत आहेत. जवळा गावात शेतकरी ग्रामविकास आघाडी जवळा तसेच जवळा ग्रामविकास पँनल यांच्या वतीने उमेदवारी अर्ज दाखल केले गेले आहेत. यावेळी निवडणूक निर्णय अधिकारी गव्हाणे एन.यू तर सहाय्यक म्हणून धूमाळ एम एस यांनी काम पाहत आहेत.
मतेवाडी ग्रामपंचायतमध्ये सदस्यपदाच्या 7 जागेसाठी 13 जण तर सरपंचपदाचे आरक्षण सर्वसाधारण प्रवर्गासाठी राखीव असून सरपंचपदासाठी दोनच अर्ज शिल्लक राहिले आहेत यामुळे दुरंगी लढत होत आहे.
तसेच मूंजेवाडी ग्रामपंचायतमध्ये एका सरपंच पदासाठी तीन तर सात ग्रामपंचायत सदस्य पदासाठी 13 उमेदवार शिल्लक आहेत एका जागा बिनविरोध झाली आहे. सरपंचपद ओबीसी महिलेसाठी राखीव आहे. यावेळी निवडणूक निर्णय अधिकारी लटके बी एस तर सहाय्यक म्हणून सुखदेव कारंडे, पी व्ही धावडे यांनी काम पाहत आहेत.
