सख्ये सोबती व्हाॅटस्अॅप गृपतर्फे आरोळे कोविड सेंटरला सव्वा लाख रुपयांची मदत

0
185
जामखेड प्रतिनिधी
            जामखेड न्युज – – ( सुदाम वराट ) 
           कोरोना रूग्णांवर औषधोपचारासह चहा नाष्टा व दोन वेळच्या जेवणाची मोफत सोय करणार्‍या आरोळे कोविड सेंटर मधुन आतापर्यंत जवळपास सव्वापाच हजार कोरोना रूग्ण कोरोना मुक्त होऊन घरी परतलेले आहेत तेही अगदी मोफत यामुळे आरोळे कोविड सेंटरला परिसरातील दानशूर व्यक्तींना मदतीचे आवाहन करण्यात आले होते यानुसार एच. यु. गुगळे उद्योग समूहाचे रमेश गुगळे यांच्या मार्गदर्शनाखाली सख्ये सोबती व्हाॅटस्अॅप गृपतर्फे आरोळे कोविड सेंटरला सव्वा लाख रुपयांची मदत केली आहे. सामाजिक दातृत्वाची जाणीव असणारा सख्ये सोबती व्हाॅटस्अॅप गृपचा आदर्श इतर व्हाॅटस्अॅप गृपने घ्यावा असा आदर्श निर्माण केला आहे.
        कोरोनाच्या महामारिमुळे सध्या सर्वजण त्रस्त आहेत. अनेक रूग्णांच्या उपचारासाठी नातेवाईक वनवन फिरताना दिसत आहेत. कुठे आँक्सीजन नाही, कुठे बेड नाही, कुठे औषध नाही, कूठे इंजेक्शन नाही अशा अनेक समस्यांनी ग्रस्त असलेल्यांना अशावेळी एक मदतीचा हात लाख मोलाचा ठरतो. आपणही काही करावं मनापासून वाटतं सुरूवात कशी करावी विचार करत असतांनाच सख्ये सोबती व्हाॅटस्अॅप गृपचे सह्रदयी असलेले सामाजिक जाणीवा जागे करणारे अँडमिन जुबेर पठाण यांनी दि. २३ एप्रिल रोजी रमेशभाऊ गुगळे यांच्या मार्गदर्शनाखाली कोवीड रूग्णांवर मोफत उपचार करणारया आरोळे हाँस्पीटलला मदत करण्याचे गृपमध्ये आवाहन केले. अन् मदत करण्याची मनोमनी सुप्त इच्छा असणारया सख्ये सोबती गृपमधील सदस्यांनी सामाजिक बांधिलकी म्हणून आपल्या परीने देणे चालू केले. मदतीचा ओघ चालू झाला अन् बघता बघता एकाच व्हाॅॅटस्अॅप गृपमधुन दि २६ रोजी सव्वा लाख रुपये अँडमिन जूबेर पठाण यांच्या कडे आँनलाईन पध्दतीने जमा झाले. जमा झालेल्या रकमेची पारदर्शकता अँडमिनने चोख ठेवली. दि २६ रोजी पोलीस निरीक्षक संभाजी गायकवाड यांच्या हस्ते आरोळे हाँस्पीटलचे प्रतिनिधी संजय कोल्हे, व शहा मँडम यांच्याकडे सव्वा लाख रुपयांची रक्कम सुपूर्द केली. यावेळी सख्ये सोबती व्हाॅटस्अॅप गृपचे अँडमिन जुबेर पठाण, एच.यु गुगळे पतसंस्थेचे व्यवस्थापक वैभव कुलकर्णी, सहाय्यक पोलीस निरीक्षक बडे, यूवा नेते प्रविण उगले, संदिप गायकवाड, कोवीड नियमांमुळे गृपमधील मोजकेच सदस्य उपस्थित होते. सख्ये सोबती वाटस्अप गृपने प्रेरणादायी अभिनव कल्पना अमलात आणल्यामुळे गृप अँडमिनसह सर्व सदस्यांचे सर्व स्तरावर अभिनंदन होत आहे.
     सध्या सोशल मीडियावर असंख्य गृप आहेत. अनेक गृपवर गुड मॉर्निंग, गुड इव्हिनिंग, गुड नाईट तसेच वाढदिवसाच्या शुभेच्छा असे संदेश दिसतात. सध्या सोशल मीडियावर शेकडो गृप आहेत एका गृपमध्ये दोनशे ते अडिचशे सभासद आहेत. प्रत्येकाने दहा रूपये गोळा केले तरी एका गृपकडून दोन ते अडीच हजार असे हजारो गृप आहेत त्यामुळे मोठय़ा प्रमाणावर रक्कम जमा होऊ शकते. सख्ये सोबती व्हाॅटस्अॅप गृपचा आदर्श इतर गृपने घ्यावा असा आदर्श निर्माण केला आहे.
                          जाहिरात

LEAVE A REPLY

Please enter your comment!
Please enter your name here