जामखेड न्युज——
सामाजिक कार्यकर्ते रमेश आजबे यांच्या वतीने महाशिवरात्रीनिमित्त फराळाचे वाटप
महाशिवरात्रीनिमित्त सामाजिक कार्यकर्ते रमेश आजबे दरवर्षी भगवान शंकर मुर्ती जवळ भाविक भक्तांसाठी फराळाचे आयोजन करत असतात. दरवर्षी प्रमाणे या वर्षीही शेकडो लोकांनी फराळाचा आस्वाद घेतला रमेश (दादा) आजबे यांच्या सामाजिक कार्याबद्दल कौतुक होत आहे.
जामखेड शहराच्या प्रवेशद्वारावर विंचरणा नदीकाठी भव्य दिव्य अशी भगवान शंकराची मूर्ती आमदार रोहित पवारांच्या माध्यमातून साकारली आहे. या ठिकाणी महाशिवरात्रीनिमित्त अनेक भाविक भक्त दर्शनासाठी येतात या लोकांच्या फराळाची सोय सामाजिक कार्यकर्ते रमेश आजबे हे करतात.
सामाजिक कार्यात अग्रेसर असलेले सामाजिक कार्यकर्ते रमेश (दादा) आजबे यांनी आजपर्यंत मंदिर जिर्णोद्धार, रंगकाम, वाडी वस्तीवर पिण्याच्या पाण्याची सोय, रस्त्यांची सोय, गटारे बांधकाम, अनेक ठिकाणी लाईटची सोय, महाशिवरात्रीला शंकराच्या दर्शनासाठी येणाऱ्या भावीक भक्तांसाठी फराळाची सोय, अनेक शिवरस्ते, अनेक ठिकाणी वृक्षारोपण, झाडांना संरक्षक जाळी, उन्हाळ्यात टँकरने पाणीपुरवठा, अनेक शाळांना होम थिएटर, कबड्डी, क्रिकेट टीमसाठी कीटचे वाटप, कोरोना काळात अनेकांना मास्क, सॅनिटाजर, किराणा कीटचे वाटप, भारतीय संविधान दिनानिमित्त स्नेह भोजन, मकरसंक्रांत निमित्त विविध कार्यक्रम, रक्षाबंधन निमित्त झाडांना राखी बांधणे, भक्ती शक्ती महोत्सवात मंडप व लाईटची व्यवस्था
संपर्क शहरात दुकानदारांना डस्टबिन वाटप, स्वच्छता अभियान लोकचळवळ बनविली हरित जामखेड साठी अनेक ठिकाणी वृक्षारोपण व त्यांचे संगोपन केले, रमजान ईदमध्ये मुस्लिम बांधवांना फळे वाटप, अनेक ठिकाणी शाळांना मदत सारोळा येथे शाळेस गेट बसवून दिले, बीड रोड ते ल. ना. होशिंग विद्यालयास जोडणारा तीस वर्षांपासून चा बंद रस्ता चालू करून पेव्हिंग ब्लॉक बसवले लाईटची सोय केली ग्रामीण रुग्णालय बोअरवेल घेऊन मोटार बसवून दिली लोकांची पिण्याच्या पाण्याची सोय केली या सह अनेक अशी सामाजिक कामे मार्गी लावली.
कोट्यावधी रूपयांची पदरमोड करून खरे सामाजिक काम करणारा सच्चा समाजसेवक म्हणून रमेश (दादा) आजबे यांची ओळख आहे. शहरासह परिसरात कोणाला काही अडचण आली तर लोक हक्काने रमेश आजबे यांना सांगतात आणि त्यांच्या कडून ती अडचण सुटते.
अनेक वर्षांपासून ते संविधान दिन व आण्णाभाऊ साठे जयंती निमित्त येणाऱ्या सर्व लोकांची जेवन व पाण्याची सोय करतात. तसेच महाशिवरात्रीनिमित्त फराळाची सोय करतात यामुळे सर्व समाजबांधवांनी रमेश (दादा) आजबे यांना धन्यवाद दिले आहेत. आभार मानले आहेत.
