जामखेड परिसरातील चिमुकल्यासाठी सामाजिक कार्यकर्ते रमेश आजबे यांच्या तर्फे खाऊ वाटप

जामखेड न्युज——

जामखेड परिसरातील चिमुकल्यासाठी सामाजिक कार्यकर्ते रमेश आजबे यांच्या तर्फे खाऊ वाटप

भारतीय प्रजासत्ताक दिनानिमित्त सावळेश्वर उद्योग समूहाचे प्रमुख सामाजिक कार्यकर्ते रमेश (दादा) आजबे यांच्या वतीने जामखेड नगरपरिषद हद्दीतील
जिल्हा परिषद, खाजगी अशा इयत्ता पहिली ते पाचवीच्या सर्व विद्यार्थ्यांना खाऊचे वाटप करण्यात आले. सर्व खाऊ शाळेत पोहोच केला. यामुळे परिसरात रमेश आजबे यांचे कौतुक होत आहे.

सामाजिक कार्यात अग्रेसर असलेले सामाजिक कार्यकर्ते रमेश (दादा) आजबे यांनी आजपर्यंत मंदिर जिर्णोद्धार, रंगकाम, वाडी वस्तीवर पिण्याच्या पाण्याची सोय, रस्त्यांची सोय, गटारे बांधकाम, अनेक ठिकाणी लाईटची सोय, महाशिवरात्रीला शंकराच्या दर्शनासाठी येणाऱ्या भावीक भक्तांसाठी फराळाची सोय, अनेक शिवरस्ते, अनेक ठिकाणी वृक्षारोपण, झाडांना संरक्षक जाळी, उन्हाळ्यात टँकरने पाणीपुरवठा, अनेक शाळांना होम थिएटर, कबड्डी, क्रिकेट टीमसाठी कीटचे वाटप, कोरोना काळात अनेकांना मास्क, सॅनिटाजर, किराणा कीटचे वाटप, भारतीय संविधान दिनानिमित्त स्नेह भोजन, मकरसंक्रांत निमित्त विविध कार्यक्रम, रक्षाबंधन निमित्त झाडांना राखी बांधणे, भक्ती शक्ती महोत्सवात मंडप व लाईटची व्यवस्था केली. 

 शहरात दुकानदारांना डस्टबिन वाटप, स्वच्छता अभियान लोकचळवळ बनविली हरित जामखेड साठी अनेक ठिकाणी वृक्षारोपण व त्यांचे संगोपन केले, रमजान ईदमध्ये मुस्लिम बांधवांना फळे वाटप, अनेक ठिकाणी शाळांना मदत सारोळा येथे शाळेस गेट बसवून दिले, बीड रोड ते ल. ना. होशिंग विद्यालयास जोडणारा तीस वर्षांपासून चा बंद रस्ता चालू करून पेव्हिंग ब्लॉक बसवले लाईटची सोय केली ग्रामीण रुग्णालय बोअरवेल घेऊन मोटार बसवून दिली लोकांची पिण्याच्या पाण्याची सोय केली या सह अनेक अशी सामाजिक कामे मार्गी लावली.

कोट्यावधी रूपयांची पदरमोड करून खरे सामाजिक काम करणारा सच्चा समाजसेवक म्हणून रमेश (दादा) आजबे यांची ओळख आहे. शहरासह परिसरात कोणाला काही अडचण आली तर लोक हक्काने रमेश आजबे यांना सांगतात आणि त्यांच्या कडून ती अडचण सुटते.

26 जानेवारी प्रजासत्ताक दिनानिमित्त माननीय रमेश दादा आजबे यांच्याकडून जामखेड नगरपरिषद विभागातील तसेच जिल्हा परिषद तसेच खाजगी शाळेमध्ये पहिली ते पाचवी वयोगटातील सर्व विद्यार्थ्यांना खाऊचे वाटप करण्यात आले. उद्या शाळा प्रशासन सर्व विद्यार्थ्यांना खाऊ देणार आहे. रमेश आजबे यांच्या मुळे सर्वच मुलांना खाऊ मिळणार आहे.