जामखेड न्युज——
भाऊबीजेसाठी गावाकडे चाललेल्या मित्रांवर काळाचा घाला एक ठार तर जखमी, जामखेड तालुक्यात शोककळा
पुणे येथील एका कंपनीत कामाला असलेला जामखेड तालुक्यातील धनेगाव येथील तरूण आदेश किसन काळे (वय ३२) हा भाऊबीजीसाठी आपल्या गावाकडे येत असताना आष्टी तालुक्यातील चिंचपूर जवळ एका अज्ञात वाहनाने पाठीमागून धडक दिल्याने त्याचा जागीच मृत्यू झाला तर मागे बसलेला त्याचा मित्र नवनाथ मच्छिंद्र काळे (वय ३६) गंभीर जखमी झाला त्याच्यावर अहमदनगर येथील खासगी रूग्णालयात उपचार सुरू आहेत.
सविस्तर असे की, जामखेड तालुक्यातील धनेगाव येथील मयत तरुण आदेश किसन काळे हा गेल्या काही वर्षांपासून पुणे येथील एका कंपनी मध्ये कामाला होता.
दर वर्षी प्रमाणे तो आपल्या एका मित्रासह भाऊबीजेच्या निमित्ताने बुधवार दि २६ रोजी रात्री
७ :३० वाजण्याच्या सुमारास पुण्यावरून धनेगावकडे जात असतांना आष्टी तालुक्यातील चिंचपूर जवळील वळणावर अज्ञात वाहनाने त्याची बुलेट मोटार सायकल MH 12 PX 6728 ला पाठिमागून धडक दिल्याने तो जागीच ठार झाला
तर सोबत असलेला त्याचा मित्र नवनाथ मच्छिंद्र काळे (वय ३६) रा. मोशी, ता. हवेली, जि. पुणे हा गंभीर जखमी झाला. मयत आदेश काळे याच्यावर आष्टी येथिल ग्रामीण रुग्णालयात शवविच्छेदन करण्यात आले.
त्याच्यावर त्याच्या धनेगाव या ठिकाणी अंत्यसंस्कार करण्यात आले असल्याची माहिती धनेगावचे माजी सरपंच भरत काळे यांनी दिली आहे.
या अपघातातील गंभीर जखमी नवनाथ काळे याचेवर अहमदनगर येथील खासगी रूग्णालयात उपचार सुरू आहेत. घटनास्थळी पो.हे.कॉ. विकास राठोड यांनी पंचनामा केला असून, पुढील तपास आष्टी पोलीस स्टेशनचे पोलिस निरीक्षक सलिम चाऊस यांच्या मार्गदर्शनाखाली हेडकॉन्टेबल विकास राठोड हे करत आहेत.
