जामखेड न्युज——
सामाजिक कार्यकर्ते प्रा. सचिन गायवळ सर यांच्या हस्ते वाकी येथे जगदंबा देवीची आरती!!!
ढोल ताशा व फटाक्यांच्या आतषबाजीने ग्रामस्थांनी केले गायवळ सरांचे स्वागत!!!
सामाजिक कार्यकर्ते प्रा. सचिन गायवळ सरांच्या हस्ते वाकी येथील जय तुळजाभवानी मंडळाच्या दुर्गा मातेची आरती करण्यात आली. यावेळी वाकी ग्रामस्थांनी ढोल ताशाच्या व फटाक्यांच्या आतषबाजीने गायवळ सरांची भव्य-दिव्य अशी मिरवणूक काढत त्यांच्या हस्ते आरती करण्यात आली.
आरती झाल्यानंतर सर्व ग्रामस्थांना नवरात्र उत्सव व दसरा सणानिमित्त शुभेच्छा देत ग्रामस्थांसोबत पंगतीत जेवन करण्याचा आनंद घेतला.
सामाजिक कार्यकर्ते सचिन गायवळ सरांनी आतापर्यंत पदरमोड करत अनेक समाजोपयोगी कामे मार्गी लावली आहेत. रस्ते, पिण्याच्या पाण्याची सोय, शाळांना मदत, वृक्षारोपण, गोरगरिबांना मदत तसेच अनेक भांडणे समजोता करत गावातच मिटवली आहेत त्यामुळे गायवळ सरांविषयी जनतेच्या मनात प्रचंड प्रेम जिव्हाळा आहे. नेता कसा असावा याचा सुंदर परिपाक म्हणजे गायवळ सर आहेत.
अनाथांचे नाथ, गोरगरीबांचे कैवारी, निराधारांचे आधार असलेले जामखेड तालुक्याचे सुपुत्र पुणे बास्केट बाॅल असोसियशनचे सचिव प्रा. सचिन गायवळ सर गायवळ यांनी वाकी येथे दुर्गा माता जगदंबेच्या आरतीस ग्रामस्थांनसोबत उपस्थित राहुन जगदंबा मातेचे आशिर्वाद घेतले आणि वाकीकरांना नवरात्र उत्सहाच्या शुभेच्छा दिल्या त्याप्रसंगी वाकी गावातील सरपंच,उपसरपंच, ग्रा पं सदस्य,चेअरमन,व्हा चेअरमन, संचालक व लहान , थोर ग्रामस्त मोठ्या प्रमाणात उपस्थित होते.
एक निस्वार्थ समाजसेवक कसा असावा याचं उत्तम उदाहरण म्हणजे प्रा. सचिन गायवळ सर,
राजकारणाशिवाय समाजकारण आणि समाजसेवा कशी करायची याचा आदर्शच गायवळ सरांनी समाज, राजकारणी आणि तरुणांपुढे घालुन दिलाय आणि त्यामुळेच प्रा. सचिन गायवळ यांची लोकप्रियता खर्डा परीसर आणि जामखेड तालुक्यात मोठ्या प्रमाणावर आहे.
कुठलाही राजकीय वारसा नसतानाही खर्डा परसरातील सर्वसामान्य जनता प्रा सचिन गायवळ सरांना आपल्या हक्काचा युवा नेताचं मानते, खर्डा परीसरात सर्वसामान्य, गोरगरीब जनतेची अडचण कुठलीही असो प्रा.सचिन गायवळ नेहमीचं निस्वार्थ भावनेने मदतीस तत्पर हजर असतात म्हणुनचं प्रा. सचिन गायवळ सर परीसरतील युवकांचे प्रेरणास्रोत बनलेत.
कार्यक्रमाचे सूत्रसंचालन आण्णासाहेब वायसे यांनी केले.
