जामखेड प्रतिनिधी
जामखेड न्युज – – (सुदाम वराट)
वाढदिवसाला अनावश्यक खर्च टाळून भाजपा युवा मोर्चाचे तालुकाध्यक्ष शरद कार्ले यांनी नवज्योत प्रकल्पातील वृद्ध व अनाथ मुलांसोबत वाढदिवस साजरा करत सर्वाना खाऊ फळे वाटत एक महिन्याचा किराणा दिला त्यामुळे कार्ले यांनी एक आदर्श निर्माण केला आहे.
ADVERTISEMENT 
श्री संत वामनभाऊ सामाजिक संस्थेच्या माध्यमातून नवज्योत प्रकल्प सुरू केला असून या प्रकल्पातील वृद्ध व मुलांसमवेत भारतीय जनता पक्षाच्या युवा मोर्चाचे जामखेड तालुकाध्यक्ष पै. शरद कार्ले यांचा वाढदिवस साजरा करण्यात आला
या वाढदिवसाच्या निमित्ताने मुलांना व वृद्धांना फळवाटप व एक महिना पुरेल एवढा किराणा माल देश आला. संस्थेच्या वतीने शरद कार्ले यांचा वाढदिवस साजरा करुन त्यांचा पुष्पगुच्छ, शाल, श्रीफळ व माहितीपत्रक देऊन सत्कार करण्यात आला. संस्थेचे संस्थापक संतोष गर्जे यांनी श्री संत वामनभाऊ सामाजिक संस्थेच्या माध्यमातून सुरू असलेल्या विविध उपक्रमांची माहिती देऊन नव्याने सुरू केलेल्या नवज्योत प्रकल्पाची संकल्पना सांगितली. कोरोना सारख्या महामारीने अनेकांना जीवन जगणे देखील कठीण झाले असल्याने त्यामध्ये अनेक वयोवृद्ध लोकांना उपासमारीने जीव गमवावा लागणे, भीक मागणे, भटकंती करणे, आत्महत्या करणे असे पर्याय निवडू लागल्याने संस्थेच्या माध्यमातून वयोवृद्ध लोकांसाठी वृद्धाश्रम व कोरोनाग्रस्त पिडीतांची मुले, निराधार, ऊसतोड मजूर, गोरगरीब कुटुंबातील मुलांच्या शिक्षणासाठी शैक्षणिक सुविधा उपलब्ध करून देण्यासाठी नवज्योत प्रकल्पाची स्थापना करत असल्याचे सांगितले. प्रकल्पाच्या माध्यमातून वृद्धांना व मुलांना कपडे, आरोग्य तपासणी, जेवण, राहण्याची सोय, मनोरंजनासाठी आवश्यक ती साधन सामग्री, शैक्षणिक साहित्य, धार्मिक स्थळांना भेटी, शैक्षणिक सहली, चर्चासत्रे ई. अनेक सुविधा उपलब्ध करून देण्यात येणार असल्याचे सांगितले. पै. शरद कार्ले यांनी बोलताना सांगितले की, संस्थेच्या माध्यमातून नव्याने सुरू झालेल्या वृद्धाश्रमासाठी शुभेच्छा देत वाढदिवसाच्या निमित्ताने फळे व किराणाची छोटीशी मदत देत असून पुढील काळात वेळोवेळी आवश्यक ती मदत करण्याचे आश्वासन दिले. व शहरातील इतर कार्यकर्त्यांनी देखील वाढदिवसाला इतरत्र खर्च टाळून अनाथ, निराधार व वृद्धांना मदत करत आश्रमामध्ये वाढदिवस साजरे करण्याचे आवाहन केले. यावेळी युवा उद्योजक पप्पूशेठ काशिद, ओमप्रकाश मिसाळ,वैभव कार्ले, चंदु कार्ले, प्रविण कार्ले, नंदु मिस्तरी, यांच्यासह प्रकल्पातील मुले व वृद्ध उपस्थित होते. बापुसाहेब गायकवाड यांनी संस्थेच्या विविध उपक्रमांची माहिती देत वाढदिवसाच्या शुभेच्छा देऊन उपस्थित मान्यवरांचे आभार मानले.
