जामखेड न्युज——
सामाजिक कार्यकर्ते रमेश (दादा) यांच्या वाढदिवसानिमित्त विद्यार्थ्यांना शालेय साहित्याचे वाटप व गोशाळेत चारा वाटप
सामाजिक कार्यकर्ते रमेश (दादा) आजबे यांच्या वाढदिवसानिमित्त अनेक सामाजिक उपक्रम राबविण्यात आले झिक्री येथील जिल्हा परिषद शाळेतील विद्यार्थ्यांना शालेय साहित्यांचे वाटप तसेच शिवप्रतिष्ठान हिंदुस्थान संचलित श्री साकेश्वर गोशाळेतील गायींना हिरवा चारा वाटप करण्यात आला. तसेच निवारा बालगृहातील बालकांना सायंकाळी सुरूची जेवण देण्यात येणार आहे.
आज झिक्री येथील जिल्हा परिषद शाळेतील विद्यार्थ्यांना कंपास, पेन या शालेय साहित्याचे वाटप करण्यात आले. तसेच साकेश्वर गोशाळेतील गायींना हिरवा चारा वाटप करण्यात आला तसेच मोहा फाटा येथील निवारा बालगृहातील बालकांना सुरूची भोजन देण्यात येणार आहे.
सामाजिक कार्यात अग्रेसर असलेले सामाजिक कार्यकर्ते रमेश (दादा) आजबे यांनी आजपर्यंत मंदिर जिर्णोद्धार, रंगकाम, वाडी वस्तीवर पिण्याच्या पाण्याची सोय, रस्त्यांची सोय, गटारे बांधकाम, अनेक ठिकाणी लाईटची सोय, महाशिवरात्रीला शंकराच्या दर्शनासाठी येणाऱ्या भावीक भक्तांसाठी फराळाची सोय, अनेक शिवरस्ते, अनेक ठिकाणी वृक्षारोपण, झाडांना संरक्षक जाळी, उन्हाळ्यात टँकरने पाणीपुरवठा, अनेक शाळांना होम थिएटर, कबड्डी, क्रिकेट टीमसाठी कीटचे वाटप, कोरोना काळात अनेकांना मास्क, सॅनिटाजर, किराणा कीटचे वाटप, भारतीय संविधान दिनानिमित्त स्नेह भोजन, मकरसंक्रांत निमित्त विविध कार्यक्रम, रक्षाबंधन निमित्त झाडांना राखी बांधणे, भक्ती शक्ती महोत्सवात मंडप व लाईटची व्यवस्था करण्यात येते.
शहरात दुकानदारांना डस्टबिन वाटप, स्वच्छता अभियान लोकचळवळ बनविली हरित जामखेड साठी अनेक ठिकाणी वृक्षारोपण व त्यांचे संगोपन केले, रमजान ईदमध्ये मुस्लिम बांधवांना फळे वाटप, अनेक ठिकाणी शाळांना मदत सारोळा येथे शाळेस गेट बसवून दिले, बीड रोड ते ल. ना. होशिंग विद्यालयास जोडणारा तीस वर्षांपासून चा बंद रस्ता चालू करून पेव्हिंग ब्लॉक बसवले लाईटची सोय केली ग्रामीण रुग्णालय बोअरवेल घेऊन मोटार बसवून दिली लोकांची पिण्याच्या पाण्याची सोय केली या सह अनेक अशी सामाजिक कामे मार्गी लावली. यासाठी आमदार रोहित पवार हेही मोठ्या प्रमाणात आर्थिक मदत करतात.
कोट्यावधी रूपयांची पदरमोड करून खरे सामाजिक काम करणारा सच्चा समाजसेवक म्हणून रमेश (दादा) आजबे यांची ओळख आहे. शहरासह परिसरात कोणाला काही अडचण आली तर लोक हक्काने रमेश आजबे यांना सांगतात आणि त्यांच्या कडून ती अडचण सुटते.
