जामखेड न्युज——
बाजार समिती सभापती पदासाठी भाजपतर्फे दोन युवा नेत्यांच्या नावाची जोरदार चर्चा
जामखेड कृषी उत्पन्न बाजार समितीतीत आमदार रोहित पवार व आमदार प्रा. राम शिंदे यांच्या गटाला समसमान जागा म्हणजे 9 – 9 जागा मिळाल्या आहेत. सोळा मे रोजी सभापती निवड तारीख निश्चित करण्यात आली आहे. मतमोजणी दिवशीच दोन्ही गटाचे सदस्य सहलीसाठी रवाना झालेले आहेत. सभापती व उपसभापती हे चिठ्ठीद्वारे होणार हे जवळपास निश्चित आहे. यात भाजपतर्फे दोन युवा नेत्यांनी नावे चर्चेत आहेत. यात सचिन घुमरे व भाजपा युवा मोर्चाचे तालुकाध्यक्ष शरद कार्ले या युवकांच्या नावाची सध्या जोरदार चर्चा आहे.
यातील सचिन घुमरे हे नुकतेच राष्ट्रवादी काँग्रेस मधुन भाजपात आलेले सचिन घुमरे हे सेवा संस्था मतदारसंघातून भरघोस मतांनी निवडून आले आहेत. त्यांच्या दोन संस्था आहेत. आमदार प्रा. राम शिंदे यांच्या सहकार्याने जिल्ह्यातील एकमेव नवीन नाहुली सोसायटी निर्माण केलेली आहे. तसेच धामणगाव सेवा संस्थेवरही त्यांचेच वर्चस्व आहे. नाहुली ग्रामपंचायत मध्ये त्यांच्या पत्नी वैजयंती घुमरे सरपंच आहेत. आपल्या कामाचा ठसा उमटविला आहे. सध्या सचिन घुमरे यांच्या नावाची सभापती पदासाठी जोरदार चर्चा आहे.
याचबरोबर भाजपा युवा मोर्चाचे तालुकाध्यक्ष शरद कार्ले हे ग्रामपंचायत मतदारसंघातून विक्रमी मतदानाने निवडून आलेले आहेत. तेही पाच वर्षे पंचायत समितीचे सदस्य होते तसेच सध्या भाजपा युवा मोर्चाचे तालुकाध्यक्ष आहेत. आपल्या कामाच्या बळावर एक शांत संयमी युवा नेतृत्व म्हणून त्यांच्या कडे पाहिले जाते.
आमदार रोहित पवार व जिल्हा बँकेचे संचालक अमोल राळेभात यांच्या नेतृत्वाखाली सहकार व शेतकरी विकास पँनल मधुन सभापती पदासाठी सुधीर राळेभात ह्या एकाच नावाची चर्चा आहे तर उपसभापती पदासाठी कैलास वराट हे नाव आघाडीवर आहे.
आमदार प्रा. राम शिंदे व सामाजिक कार्यकर्ते प्रा सचिन गायवळ यांच्या नेतृत्वाखाली स्वाभीमानी शेतकरी विकास पँनल मधुन सभापती पदासाठी सचिन घुमरे व शरद कार्ले यांच्या नावाची चर्चा आहे तर उपसभापती पदासाठी वैजनाथ पाटील व डॉ. गणेश जगताप, विष्णू भोंडवे, नंदु गोरे यांच्या नावाची चर्चा आहे.
तब्बल अडीच वर्षांच्या प्रशासकीय कारकिर्दीनंतर जामखेड बाजार समितीची निवडणूक झाली यात
कर्जत पाठोपाठ जामखेड मधील मतदारांनी दोन्ही आमदारांच्या गटाला समसमान कौल देत संपूर्ण महाराष्ट्रात एक चमत्कार केला आहे. जामखेड कृषी उत्पन्न बाजार समितीतीत आमदार रोहित पवार व आमदार प्रा. राम शिंदे यांच्या गटाला समसमान जागा म्हणजे 9 – 9 मिळाल्या आहेत. सोळा मे रोजी सभापती निवड तारीख निश्चित करण्यात आली आहे. मतमोजणी दिवशीच दोन्ही गटाचे सदस्य सहलीसाठी रवाना झालेले आहेत.
कोणत्याही गटाकडे स्पष्ट बहुमत नाही. धोका नको व कोणी फुटू नये म्हणून दोन्ही गटानी आपापले सदस्य सहलीसाठी घेऊन गेलेले आहेत. सध्या तरी चिठ्ठी द्वारेच सभापती व उपसभापती निवडी होतील अशी परिस्थिती आहे. पण वरील नावाची चर्चा सध्या तालुक्यात आहे.
असे असले तरी येत्या सोळा तारखेला कळेचल कोण सभापती व कोण उपसभापती, चिठ्ठी कोणाला साथ देणार हे कळेलच.
