जामखेड प्रतिनिधी
जामखेड न्युज – – – – –
जाणता राजा संपूर्ण देशाचे आराध्य दैवत छत्रपती शिवाजी महाराज यांच्या जयंतीनिमित्त जामखेडमध्ये प्रथमच महिला अनोख्या पद्धतीने शिवजन्मोत्सव सोहळा साजरा करण्यात येणार आहे कार्यक्रमाचे आयोजक रोहिणी संजय काशिद असणार आहेत. या कार्यक्रमासाठी सिनेतारका व शिवसेना नेत्या दिपाली भोसले सय्यद यांचे खास आकर्षण राहणार आहे. तर कार्यक्रमाच्या अध्यक्षस्थानी बारामती अॅग्रोच्या विश्वस्त सुनंदाताई पवार असणार आहेत. छत्रपती शिवाजी महाराज कृषी उत्पन्न बाजार समिती पासून भगवे फेटे परिधान करत मुलींच्या मर्दानी खेळाच्या प्रात्यक्षिक करत मिरवणूक निघाली
रयतेचा राजा शिवछत्रपती यांच्या जयंतीनिमित्त तालुका महिला आघाडी व रोहिणी संजय काशिद आयोजित भव्य शिवजन्मोत्सव सोहळा साजरा करण्यात येणार आहे. दुपारी तीन वाजता छत्रपती शिवाजी महाराज बाजार समिती पासून महिलांची भगवे फेटे परिधान करून डोळ्याचे पारणे फेडणारी भव्य रॅली निघाली यात छत्रपती शिवाजीराजे यांची प्रतिमा पालखीत ठेवण्यात आली होती. जिजामातेच्या वेषात काही मुली घोड्यावर स्वार झालेल्या होत्या या रॅलीत मुलींचे शस्त्रपथक, मुलींचा रोप मल्लखांब, शिवथिम नृत्य व पोवाडे सादरीकरण करत मिरवणूक बीड रोड मेन पेठ नंतर संविधान चौकात सिनेतारका दिपाली सय्यद व बारामती अॅग्रोच्या विश्वस्त सुनंदाताई पवार यांच्या उपस्थितीत परिसरातील कर्तृत्ववान महिलांचा सन्मान करण्यात येणार आहे
