मुंबई येथील रामा चॅरिटेबल ट्रस्ट व रामा सिलिंडर गुजरात यांच्यावतीने पिंपळगाव आळवा येथील ५० महिलांना कायमस्वरूपी पेन्शन सुरू “व्यवस्थापकीय संचालक वासू राम सिंघानिया व संचालिका सोनिया सिंघानिया यांचा स्तुत्य उपक्रम; ग्रामस्थांकडून आभार”
मुंबई येथील रामा चॅरिटेबल ट्रस्ट व रामा सिलिंडर गुजरात यांच्यावतीने पिंपळगाव आळवा येथील ५० महिलांना कायमस्वरूपी पेन्शन सुरू
“व्यवस्थापकीय संचालक वासू राम सिंघानिया व संचालिका सोनिया सिंघानिया यांचा स्तुत्य उपक्रम; ग्रामस्थांकडून आभार”
मुंबई येथील रामा चॅरिटेबल ट्रस्ट व रामा सिलिंडर, गुजरातचे व्यवस्थापकीय संचालक वासू राम सिंघानिया व संचालिका सौ. सोनिया वासू राम सिंघानिया यांच्या संकल्पनेतून व सहकार्याने अहिल्यानगर जिल्ह्यातील जामखेड तालुक्यातील पिंपळगाव आळवा येथील गरजू, निराधार व विधवा अशा ५० महिलांना दरमहा कायमस्वरूपी पेन्शन सुरू करण्यात आली आहे.
मे २०२५ मध्ये स्थापन झालेल्या ट्रस्टचा लोककल्याणकारी उपक्रम रामा चॅरिटेबल ट्रस्ट, मुंबई या सेवाभावी संस्थेची स्थापना मे २०२५ मध्ये करण्यात आल्यानंतर या संस्थेच्या माध्यमातून महाराष्ट्र व गुजरातमधील अनेक भागांमध्ये आरोग्य शिबिरे, शिक्षण सहाय्य, अन्नदान, वृद्धाश्रम मदत असे विविध समाजोपयोगी उपक्रम राबवण्यात आले आहेत.
त्याचाच एक भाग म्हणून पिंपळगाव आळवा येथील गरजू महिलांची यादी तयार करून त्यांना दरमहा नियमित पेन्शन देण्याचा निर्णय घेण्यात आला.
स्थानिक सुपुत्रामुळे शक्य झाले पिंपळगाव आळवा येथील मूळ रहिवासी व सध्या रामा सिलिंडर, गुजरात येथे वरिष्ठ पदावर कार्यरत असलेले अशोक नरके यांच्या पुढाकारातून व पाठपुराव्यामुळे हा उपक्रम प्रत्यक्षात आला. त्यांनी गावातील गरजू महिलांची माहिती ट्रस्टपर्यंत पोहोचवली व संचालक मंडळाने तात्काळ मंजुरी दिली.
पहिल्या टप्प्यात ५० महिला लाभार्थी सुरुवातीच्या टप्प्यात गावातील अत्यंत हलाखीची परिस्थिती असलेल्या ५० महिलांची निवड करण्यात आली असून त्यांच्या बँक खात्यात दरमहा थेट पेन्शन जमा केली जाणार आहे. यामुळे या महिलांना उदरनिर्वाहासाठी मोठा आधार मिळणार आहे.
ग्रामस्थांकडून आभार या स्तुत्य उपक्रमाबद्दल पिंपळगाव आळवा ग्रामस्थांच्या वतीने व्यवस्थापकीय संचालक वासू राम सिंघानिया व संचालिका सौ. सोनिया सिंघानिया यांचे मनःपूर्वक अभिनंदन करण्यात आले व आभार मानण्यात आले.
सरपंच, ग्रामपंचायत सदस्य व ग्रामस्थांनी “सिंघानिया कुटुंबीयांनी दाखवलेली सामाजिक बांधिलकी संपूर्ण तालुक्यासाठी प्रेरणादायी आहे,” अशा भावना व्यक्त केल्या.
सिंघानिया दांपत्याचा संदेश “समाजाचे आपण काही देणे लागतो या भावनेतून हा उपक्रम सुरू केला आहे. पुढील काळात आणखी गरजू महिलांपर्यंत व इतर तालुक्यांपर्यंत हा उपक्रम पोहोचवण्याचा आमचा मानस आहे,” असे वासू राम सिंघानिया यांनी सांगितले.“सेवा हाच धर्म – रामा ट्रस्टचा माणुसकीचा वसा!”
