जामखेड नगरपरिषदेचा नगराध्यक्ष पदाचा या पक्षाचा उमेदवार जाहीर
अल्पसंख्यांक उमेदवाराला संधी
जामखेड नगरपरिषदेचा नगराध्यक्ष पदाचा सर्वात प्रथम आम आदमी पार्टीने आपला उमेदवार जाहीर केला असून अल्पसंख्याक समाजातील उमेदवाराला संधी देण्यात आली आहे. तसेच नगराध्यक्ष पदाचा उमेदवार जाहीर केला आहे. त्यामुळे उमेदवार जाहीर करण्यात आम आदमी पार्टीने आघाडी घेतली आहे.
आज जामखेड येथे आम आदमी पार्टीने पत्रकार परिषद घेत राष्ट्रीय अध्यक्ष अरविंद केजरीवाल,महाराष्ट्र प्रदेशाध्यक्ष अजित फाटके पाटील, जिल्हा अध्यक्ष राजू आघाव यांच्या आदेशानुसार आज तालुकाध्यक्ष संतोष नवलाखा यांनी आसिफ कमाल शेख यांच्या मातोश्री रहिमुन्निसा कमाल शेख यांना उमेदवारी जाहीर केली आहे.
यावेळी यावेळी तालुकाध्यक्ष संतोष नवलाखा, अँड बिपिन वारे, सागर मोरे, अँड जैद सय्यद, संजय सदाफुले, विकास पवार, अब्दुल शेख, नाजिम पठाण, अरफान शेख, अरबाज सय्यद, सलिम शेख, अजय भोसले, दिपक शेळके, अतुल खराडे, सुंदर परदेशी, गोकुळ परदेशी, बजरंग सरडे, जुबेर काझी, ऋषीकेश लांडगे, स्वप्नील वारे, सकलेन पठाण यांच्या सह अनेक पदाधिकारी उपस्थित होते.
यावेळी बोलताना तालुकाध्यक्ष संतोष नवलाखा यांनी सांगितले की, राष्ट्रीय अध्यक्ष अरविंद केजरीवाल, महाराष्ट्र प्रदेशाध्यक्ष अजित फाटके पाटील, जिल्हा अध्यक्ष राजू आघाव यांच्या आदेशानुसार आज आम्ही नगराध्यक्ष पदाचा उमेदवार जाहीर करत आहेत. आणि पक्षाच्या आदेशानुसार आम्ही अल्पसंख्याक चेहऱ्याला संधी देत आहोत. तसेच लवकरच नगरसेवक पदाचे उमेदवार जाहीर करण्यात येतील असेही सांगितले.
आम्ही समविचारी पक्षांना बरोबर घेऊन संपूर्ण ताकतीने ही निवडणूक लढवणार आहोत. आतापर्यंत इतर पक्षांनी आमचा वापर फक्त मतापुरताच केला आहे. आता असे होणार नाही. आम्ही ताकतीने निवडणूकीला सामोरे जाणार आहोत.
जामखेड शहरात सध्या खुपच समस्या आहेत. रखडलेले रस्ते, शहरात मोकाट कुत्रे जनावरे, कचरा समस्या घाणीचे साम्राज्य, नागरिकांना होणारा त्रास यामुळे सर्व सामान्य नागरिकांच्या न्याय हक्कासाठी आम्ही निवडणूका लढविणार आहोत. असे सांगितले.
