अहिल्यानगर जिल्ह्यात गट गण रचनेत सर्वात मोठा बदल जामखेडमध्ये
नान्नज गण रद्द तर दिघोळ गण नव्याने
अहिल्यानगर जिल्हा परिषदेचे(Ahilyanagar ZP) गट व १४ पंचायत समित्यांची अंतिम गणरचना (ता. २२) जिल्हाधिकारी डॉ. पंकज आशिया (Dr.Pankaj Ashiya) व जिल्हा परिषदेचे मुख्य कार्यकारी अधिकारीआनंद भंडारी (Anand Bhandari) यांनी जाहीर केली आहे. त्यानुसार ७५ गट व १५० गण रचना पुढील प्रमाणे असणार आहे. जामखेड तालुक्यात साकत नावाचा गट नव्याने तयार झाला आहे. त्या अंतर्गत दोन गणही वाढले आहेत. कोपरगाव, अहिल्यानगर व जामखेड तालुक्यांतील गण रचनेत मोठा बदल झाला आहे, तर अकोले व पाथर्डी तालुक्यांतील गण रचनेत थोडा बदल झाला आहे.त्यामुळे राजकीय चर्चांना उधाण आले आहे.
सर्वात मोठा बदल जामखेड तालुक्यात कोपरगाव तालुक्यातील दाऊज खुर्द व घारी ही गावे शिंगणापूर गणातून जाऊन जेऊर कुंभारी गणात आली आहेत. शहापूर हे गावचां देकसारे गणातून पोहेगाव बुद्रूक गणात समाविष्ट झाले आहे.पाथर्डी तालुक्यातील कोपरे व शिंगवे केशव ही गावे मिरी गणातून करंजी गणात समाविष्ट झाली आहेत. अहिल्यानगर तालुक्यातील शेंडी हे गाव जेऊर गणात घेण्यात आले आहे तर बहिरवाडी वससेवाडीचा समावेश बुऱ्हाणनगर गणात करण्यात आला आहे.अकोले तालुक्यात डोंगरगावला खिरविरे गणातून गणोरे गणात घेण्यात आले आहे. जिल्ह्यातील सर्वात मोठा बदल जामखेड तालुक्यात झाला आहे. नान्नज गण रद्द करून त्या जागी दिघोळ गणत यार केला आहे. नान्नज गावाचा जवळा गणात समावेश केला आहे.
जामखेड तालुक्यात तीन जिल्हा परिषद गट तर सहा पंचायत समिती गण निश्चित करण्यात आले आहेत. यात 73 साकत, 74 खर्डा, 75 जवळा असे जिल्हा परिषद गट आहेत तर 145 शिऊर, 146 साकत, 147 दिघोळ, 148 खर्डा, 149 अरणगाव, 150 जवळा असे सहा गण तयार झाले आहेत.
गटाचे नाव ७३ साकत
गणाचे नाव १४५ शिऊर या गणामध्ये मोहा, राजेवाडी, कुसडगाव, सरदवाडी, खांडवी, डिसलेवाडी, सारोळा, काटेवाडी, खुरदैठण, सावरगाव, धोंडपारगाव, पाडळी, झिक्री, शिऊर अशी 14 गावे शिऊर गणात आहेत.
गणाचे नाव १४६ साकत
साकत, कोल्हेवाडी, पिंपळवाडी, देवदैठण, नाहुली, नायगाव, पिंपळगाव आळवा, घोडेगाव, लोणी, आनंदवाडी, राजुरी, डोळेवाडी अशा १२ गावांचा समावेश आहे.
जिल्हा परिषद गटाचे नाव ७४ खर्डा
गणाचे नाव १४७ दिघोळ दिघोळ, माळेवाडी, जातेगाव, मोहरी, आपटी, वाकी, बाळगव्हाण, पिंपळगाव उंडा, बांधखडक, धामणगाव, तेलंगशी, वाघा, गुरेवाडी, महारूळी, जायभायवाडी अशा पंधरा गावांचा समावेश आहे.
गणाचे नाव 148 खर्डा
खर्डा, पांढरेवाडी, दरडवाडी, नागोबाचीवाडी, मुंगेवाडी, सातेफळ, तरडगाव, दौंडाचीवाडी, वंजारवाडी, पोतेवाडी, जवळके, सोनेगाव, धनेगाव अशा तेरा गावांचा समावेश आहे.
७५ जवळा जिल्हा परिषद गट १४९ अरणगाव गणात डोणगाव, अरणगाव, पारेवाडी, फक्राबाद, पाटोदा, खामगाव, भवरवाडी, धानोरा, वंजारवाडी, रत्नापूर, सांगवी, बावी, पिंपरखेड, हसनाबाद, कवडगाव, गिरवली अशा सोळा गावांचा समावेश आहे.
१५० जवळा गणात मुंजेवाडी, चोभेवाडी, बोर्ले, चौंडी, आघी, मतेवाडी, जवळा, हाळगाव, नान्नज अशा नऊ गावांचा समावेश आहे.
अशा प्रकारे तीन जिल्हा परिषद गट व सहा पंचायत समिती गणासाठी प्रारूप प्रभाग रचना जाहीर करण्यात आली आहे. अगोदर च्या रचनेत मोठ्या प्रमाणात बदल करण्यात आला आहे. यामुळे अनेक गावांची फेरबदल झाला आहे. आता आरक्षणाची प्रतिक्षा लागलेली आहे.
