लाइटचे काम करत असताना जामखेड तालुक्यात एका कामगाराचा करंट बसून मृत्यू
ठेकेदाराच्या निष्काळजीपणा मुळे कामगाराचा बळी
जामखेड तालुक्यातील लोणी फाटा येथे मुख्य लाइन जवळ पोल रोवण्याचे काम सुरू असतानाठेकेदारांने योग्य काळजी न घेतल्यामुळे ट्रॅक्टर मुख्य लाइनच्या पोल ला धडकला ट्रॅक्टर थांबविण्याचा प्रयत्न करत असलेला कामगार गणेश दिलीप भोरे (वय ३५) रा. देवदैठण ता. जामखेड हा करंट बसून जागीच मृत्यू झाला यामुळे देवदैठण परिसरात शोककळा पसरली आहे.
दुपारी खर्डा जवळ लोणी फाटा येथे खाजगी ठेकेदार लाइटचे काम करत असताना उताराला लावलेला ट्रॅक्टर मुख्य पोलवर जाऊन धडकला नंतर यामुळे ट्रॅक्टर मध्ये करंट उतरला ट्रॅक्टर मागे घेण्यासाठी गेलेला गणेश भोरे जागीच मृत्यू पावला. ट्रॅक्टर जवळ असलेले दोन कामगार सुदैवाने वाचले.
दुपारी घटना घडल्यानंतर मृतदेह नातेवाईकांनी जामखेड येथील ग्रामीण रुग्णालयात आणला यावेळी नातेवाईकांनी ठेकेदाराच्या हलगर्जीपणा व निष्काळजीपणा पणा बद्दल तीव्र शब्दात आपल्या भावना व्यक्त केल्या व ठेकेदारांने मयत गणेश भोरे च्या लहान मुलांना मदत करावी अशी मागणी केली.
मृतदेह जामखेड च्या ग्रामीण रुग्णालयात आणला यावेळी पंचायत समितीचे माजी सभापती संजय वराट, देवदैठण चे सरपंच मा. अनिल (दादा) भोरे, मनोज भोरे सह देवदैठण येथील नातेवाईक मोठ्या संख्येने उपस्थित होते. सायंकाळी शवविच्छेदन करून शोकाकुल वातावरणात देवदैठण येथे अंत्यसंस्कार करण्यात आले.
गणेश भोरे हा महावितरण चे ठेकेदार संतोष साबळे कडे कामगार म्हणून काम करत होता. असे नातेवाईकांनी सांगितले तो आई वडिलांना एकुलता एक होता त्याच्या मागे आई – वडील, पत्नी, एक मुलगा एक मुलगी असा परिवार आहे.
