ऊसतोड कामगारास मुकादमाकडून जबर मारहाण, चार जणांवर जामखेड पोलीस स्टेशनला गुन्हा दाखल
मुकादमाची उचल का देत नाही म्हणून ऊसतोडणी मजुरास मुकादम व इतर तिघांकडून जबर मारहाण करण्यात आली फिर्यादी खाजगी दवाखान्यात उपचार घेत आहे. मारहाण केलेल्या कामगारास पाहिले असता गेल्या काही दिवसात बीड जिल्ह्यातील काही क्रूर मारहाणीच्या घटनांची आठवण येते. कामगाराने दोन लाख उचल घेतली एक फेडले एक लाख बाकी घेण्यासाठी मुकादमाने उचलून नेवून जबर मारहाण केल्याचा जामखेड पोलीस स्टेशनल दाखल करण्यात आला आहे. या घटनेमुळे परिसरात एकच खळबळ उडाली आहे. शेजारी बीड जिल्ह्यातील घटना आता जामखेड परिसरात घडू लागल्या आहेत.
याबाबत सविस्तर माहिती अशी की, अमोल काकासाहेब माने वय 30 रा. धोत्री ता. जामखेडपोलीस स्टेशन येथे हजर राहुन फिर्याद लिहुन देतो की, मी वरील ठिकाणी पत्नी सोनाली, मुलगी लक्ष्मी असे एकत्र राहतो व ऊस तोडणीची मंजुरी करूनकुटुंबाची उपजिवीका भागवतो.
तीन वर्षांपूर्वी बबन बामदळे रा. लोणी ता. जामखेड जि. अहिल्यानगर यांचे कडुन मी ऊस तोडणीची 2,00,000/- रुपये उचलघेतली होती. ऊस तोडणी करून मी त्यावेळेस 1,00,000/- रूपये फेडले होते व 1,00,000/- रूपये देणे बाकी होते.
त्यामुळे तो मला नेहमी त्याचे रक्कमेची मागणी करत होता.आज दि.24/07/2025 रोजी सकाळी 09/30 वाजणेचे सुमारास मी घरी असताना मला मुकादम बबन बामदळे रा. लोणी ता. जामखेड जि. अहिल्यानगर यांचा फोन आला व तु सावरगाव फाट्यावर ये असे सांगीतले. तेव्हा मी माझे घरून सावरगाव फाटयावर आलो असता तेथे बबन बामदाळे हा त्याची बलोरो गाडी घेवून उभा होता.
तसेच त्याचे सोबत अनोळखी तीन लोक होते. तेव्हा बबन बामदाळे यांनी मला शिवीगाळ करून त्यांचे पैशाची मागणी केली.तेव्हा मी तुम्हास नंतर पैसे देईल असे सांगत असताना त्यांनी लाथा बुक्क्याने मारहान करण्यास सुरवात केली. व त्याचे बोलोरो गाडीत बसण्यास सांगीतले तेव्हा मी त्यांचे गाडीत बसलो असता त्यांनी गाडी लोणी ता.जामखेड जि.अहिल्यानगर येथे घेवुन जावुन तेथे त्या चार लोकांनी लिंबाचे झाडाचे फोक मोडुन माझे पाठीवर, सीटवर पायावर हातावर मारहान करून जखमी केले. तोडांवर चापटीने व बुक्क्याने मारहान केली.
तु पैसे दिले नाहीतर जीवे मारून टाकीन अशी धमकी दिली. त्यानंतर मित्र दिपक रंजित भवर यास मी फोन लावुन लोणी येथे बोलावुन घेतले. तेथे दिपक भवर यांने माझे कडे असलेली रक्कम परत देण्याची हमी दिल्यावर मी मित्र दिपक भवर याचे चारचाकी वहानात जामखेड येथे आलो.
त्यानंतर मी व माझी पत्नी सोनाली सोबत पोलीस स्टेशनला फिर्याद देणे करीता आलो असता तेथुन मला औषध उपचारा करीता ग्रामीण रुग्णालय जामखेड येथे पाठवले तेथे प्राथमीक औषधोपचार करून मी फिर्याद देणे करीता आलो आहे. तरी माझी बबन बामदळे रा. लोणी ता. जामखेड जि. अहिल्यानगर (पुर्ण नावमाहीत नाही) व अनोळखी 3 यांचे विरुध्द फिर्याद आहे.
