जामखेड शहरात मोकाट कुत्र्यांचा व जनावरांचा उपद्रव, वाहनधारक व नागरिक हैराण
नगरपरिषद म्हणजे असून अडचण नसून खोळंबा
जामखेड शहरातील सर्वच मुख्य रस्त्यावर मोकाट जनावरे, भटके कुत्रे यांचा उपद्रव मोठ्या प्रमाणात वाढला आहे. यामुळे वाहनधारकांना व नागरिकांना मोठ्या त्रासाला सामोरे जावे लागत आहे. मोकाट जनावरांमुळे वाहतूक कोंडी तसेच अपघात होतात तर मोकाट कुत्र्यांनी अनेकांचा चावा घेऊन अनेकांना जखमी केले आहे. याकडे जामखेड नगरपरिषदेचे दुर्लक्ष आहे. यामुळे सामान्य नागरिकांच्या मते जामखेड नगरपरिषद म्हणजे असून अडचण व नसून खोळंबा आहे.
जामखेड शहरात सगळीकडे मोठ्या प्रमाणावर घाणीचे साम्राज्य पसरले असून, मोकाट कुत्रे, जनावरे व डुक्करांचा मुक्त संचार रस्त्यावर आहे. यामुळे डासांची संख्या वाढली असून डेंग्यू मलेरिया साथीची आजार वाढले आहेत. शहरातील रस्त्यावर सगळीकडे चिखल व दलदल आहे. जामखेड नगरपरिषद म्हणजे असून अडचण व नसून खोळंबा आशी अवस्था निर्माण झाली आहे. लहान मुलांना कुत्र्याने चावा घेतल्याने अनेक मुले गंभीर जखमी झाले आहेत. अनेकांना मोकाट कुत्र्यांनी चावा घेतला आहे. ताबडतोब मोकाट कुत्र्यांचा बंदोबस्त करावा अशी मागणी नागरिकांकडून होत आहे.
भटके कुत्रे, मोकाट जनावरे, डुक्करांचा उपद्रव यामुळे जामखेड कर हैराण झाले आहेत. ताबडतोब मोकाट कुत्र्यांचा बंदोबस्त करावा अशी मागणी होत आहे. जामखेड शहरात मोकाट कुत्र्यांचा सुळसुळाट वाढला आहे. गल्लोगल्ली ही संख्या वाढत असून, नागरिकांना त्यांचा उपद्रव सहन करावा लागत आहे. ही कुत्री अंगावर येत असल्याने लहान मुले व वयोवृद्धांना शहरातून वावरताना दक्षता घ्यावी लागते. मोटारसायकलस्वारांच्या मागे कुत्री लागत असल्याने मोटारसायकल चालविताना कसरत करावी लागत आहे. नगरपरिषदेने या कुत्र्यांचा बंदोबस्त करावा, अशी मागणी नागरिक करीत आहेत. कुत्रे, डुकरे यांच्या उपद्रवाबरोबरच घाणीच्या साम्राज्य मुळे डासांचा उपद्रव वाढला आहे यामुळे नागरिकांचे आरोग्य धोक्यात आले आहे.
जामखेड सौताडा महामार्गाचे काम खुपच संथ गतीने सुरू आहे. काही ठिकाणी सिंगल पट्टी तर काही ठिकाणी अर्धवट रस्ते आहेत यामुळे वाहतूक कोंडी होते यातच रस्त्यावर कुत्र्यांच्या झुंडीच्या झुंडी फिरतात. मोकाट जनावरे ही रस्त्यावर मधोमध बसलेले असतात. एखाद्या नागरिकांने त्यांना हाकलण्याचा प्रयत्न केला तर ते अंगावर धावून येतात. कुत्रे तर मोटारसायकल मागे लागल्याने अनेक मोटारसायकल स्वार घसरून पडून जखमी झाले आहेत.
सध्या शहरात कुत्र्यांच्या झुंडी मोकाट जनावरे, डुक्करांचा मुक्त संचार नेहमीचाच झाला आहे. कधी कधी तर पंधरा ते वीस कुत्र्याच्या झुंडी च्या झुंडी रस्त्यावर फिरत आहेत. ही कुत्री बीड रोड, नगर रोड, तपनेश्वर, सदाफुले वस्ती, पेठ, पोलीस स्टेशन तसेच बाजारपेठ, बसस्थानक परिसरात वावरत असून, यामुळे नागरिकांना व ग्रामीण भागातून शहरात येणाऱ्यांना याचा नाहक त्रास सहन करावा लागतो.
कुत्र्यांना हाकलायचा प्रयत्न केल्यास ती अंगावर येत आहेत. या कुत्र्यांमुळे वयोवृद्ध व लहान बालके यांना रस्त्यावरून ये-जा करणे धोक्याचे बनले आहे. कधीही कुत्री अंगावर येण्याची शक्यता नाकरता येत नाही. शहरातील काही शेतकऱ्यांच्या शेळ्यांचा चावाही या कुत्र्यांनी घेतल्याचे नागरिक सांगतात.
अनेक वेळा मोटारसायकलला कुत्री आडवे आल्यानेअनेक जण पडून जखमी झाले आहेत. अनेकांच्या पायाला व हाताला दुखापत झाली. त्यामुळे या कुत्र्यांचा नगरपरिषदेने बंदोबस्त करावा, अशी मागणी शहरातील नागरिक करीत आहेत.
