साकत सप्ताहात हभप राजेंद्र महाराज सावंत यांची छत्रपती संभाजी महाराज चरित्रावर किर्तन सेवा सत्तर वर्षे अखंड वीनावादन निमित्ताने भव्य दिव्य अखंड हरिनाम सप्ताह

जामखेड न्युज—–

साकत सप्ताहात हभप राजेंद्र महाराज सावंत यांची छत्रपती संभाजी महाराज चरित्रावर किर्तन सेवा

सत्तर वर्षे अखंड वीनावादन निमित्ताने भव्य दिव्य अखंड हरिनाम सप्ताह

प्रतिपंढरपुर म्हणून ओळखल्या जाणाऱ्या साकतमध्ये अखंड हरिनाम सप्ताहास सोमवार दि २४ रोजी सुरू होत आहे. यात ज्ञानेश्वरी पारायण सोहळा तसेच तुकाराम महाराज चरित्र, काकडा भजन, विष्णू सहस्त्रनाम, गाथा भजन, हरिपाठ, किर्तन व नंतर गावजेवण व हरिजागर असे भरगच्च कार्यक्रम असणार आहेत. सप्ताहाची सांगता सोमवार ३१ रोजी होणार आहे. आज शनिवार
दि २९ रोजी हभप राजेंद्र महाराज सावंत छत्रपती संभाजी महाराज चरित्रकार यांनी किर्तन सेवेसाठी पुढील अभंग निवडला होता.

दया तिचें नांव भूतांचें पाळण ।
अणीक निर्दळण कंटकांचें ॥१॥
धर्म नीतीचा हा ऐकावा वेव्हार ।
निवडिले सार असार तें ॥ध्रु.॥
पाप त्याचें नांव न विचारितां नीत ।
भलतें चि उन्मत्त करी सदा ॥२॥
तुका म्हणे धर्म रक्षावया साठीं ।
देवासही आटी जन्म घेणें ॥३॥

अर्थ
सर्व जीवांचे पालन करणारी आणि दृष्टांचे निर्दालण करणारी जी आहे, तिचे नाव दया आहे. धर्मनितीचे अवलोकन करून मला योग्य आणि अयोग्य याची खूण पटली आहे ते निवडले आहे.अनितीने आचरण, उन्मातपना म्हणजेच पाप आहे .तुकाराम महाराज म्हणतात, अधर्माचरणी लोकांमुळे धर्माचे रक्षण करण्यासाठी देवाला अवतार घ्यावा लागतो.

जामखेड तालुक्यातील साकत येथे अखंड विणा वादणास व नंदादीपास ७० वर्षे पूर्ण झाल्याबद्दल गुरुवर्य हभप प्रकाश महाराज बोधले राष्ट्रीय अध्यक्ष अखिल भारतीय वारकरी मंडळ यांच्या मार्गदर्शनाखाली सोमवार दि. २४ पासून सुरू झाला आहे व सोमवार दि. ३१ रोजी सांगता होणार आहे. तरी परिसरातील भाविक भक्तांनी लाभ घ्यावा असे आवाहन सप्ताह संयोजक समितीच्या वतीने करण्यात आले आहे.

सप्ताहातील दैनिक कार्यक्रम
पहाटे ४ ते ६ काकडा भजन,
सकाळी ६ ते ७ विष्णू सहस्रनाम,
सकाळी ७ ते १० ज्ञानेश्वरी पारायण,
सकाळी १० ते १२ गाथा भजन,
दुपारी ३.३० ते ५ पर्यंत तुकाराम चरित्र,
५.३० ते ६.३० हरिपाठ,
रात्री ७ ते ९ किर्तन व नंतर गावजेवण

आज शनिवार दि. २९ हभप राजेंद्र महाराज सावंत छत्रपती संभाजी महाराज पुण्यतिथीनिमित्त त्यांचे चरित्र कथन करण्यात आले. उद्या रविवार दि. ३० रोजी हभप गुरुवर्य प्रकाश महाराज बोधले राष्ट्रीय अध्यक्ष अखिल भारतीय वारकरी मंडळ यांचे किर्तन होईल.

सोमवार दि ३१ रोजी सकाळी ९ ते १२ हभप गुरुवर्य प्रकाश महाराज बोधले राष्ट्रीय अध्यक्ष अखिल भारतीय वारकरी मंडळ यांचे काल्याचे किर्तन होईल. अशी माहिती संयोजक हभप भीमराव महाराज मुरूमकर व हभप बाबा महाराज मुरूमकर यांनी दिली.

गायनाचार्य म्हणून हभप हरिभाऊ महाराज काळे, हभप माऊली महाराज कोल्हे, काका महाराज निगुडे, पंढरीनाथ महाराज राजगुरू, हभप दिनकर महाराज मुरूमकर, गहिनीनाथ सकुंडे, अशोक महाराज सपकाळ व गुरुवर्य रामचंद्र बोधले महाराज फडावरील गायक मंडळी हजर राहतील.
मृदुंगाचार्य हभप भारत महाराज कोकाटे, हभप प्रमोद महाजन पदमुले, बाजीराव महाराज वराट, उत्रेश्वर महाराज वराट, शंकर महाराज माळी, रोहन गवळी, रोहित गवळी दिपक अडसूळ, विक्रम महाराज खुळे, सुनील भालेराव, श्रीराम भालेराव, महादेव गवळी, चोपदार आश्रू सरोदे, आजीनाथ पुलवळे असतील.

सप्ताहासाठी मंडप सौजन्य अनिल साहेबराव वराट इंदोर मध्यप्रदेश यांचे राहिल, फोटो ग्राफर ओम दळवी तसेच जाहिरात सौजन्य कै. ओम अशोक वराट यांच्या स्मरणार्थ अशोक कुंडलीक वराट असतील