बीड रोडवर चारचाकी वाहन पलटी होऊन तीनजण जखमी, बीड रोड ठरतोय अपघात रोड
सामाजिक कार्यकर्ते संजय कोठारी यांनी जखमींना केले रूग्णालयात दाखल
जामखेड सौताडा राष्ट्रीय महामार्गाचे काम अत्यंत धिम्या गतीने सुरू आहे. काही ठिकाणी काम झाले आहे तेथे दिशादर्शक फलक किंवा रेडियम नाहीत, दुभाजक पट्टे नाहीत त्यामुळे कच्चा रस्ता संपला की पक्या रस्त्यावर वाहने वेगाने चालवले जातात यामुळे सतत या भागात अपघात होत आहेत. मागील आठवड्यात दुभाजकाच्या धडकीत कारने पेट घेतला व दोघे जळून मृत्यू पावले होते. आज नायरा पेट्रोल पंपांसमोर चार चाकी पटली होऊन तीन जण गंभीर जखमी झाले.
जामखेड पोलीस स्टेशनचे पोलीस हवालदार प्रवीण इंगळे यांनी सामाजिक कार्यकर्ते संजय कोठारी यांना घटनेची माहिती दिली काका बीड रोडला अपघात झाला आहे लवकर या लगेच संजय काका कोठारी हे आपले मित्र सचिन गाडे यांना घेऊन घटनास्थळी दाखल झाले.
आज रविवार दिनांक २/३/२०२५ रोजी बीड रोड सुराणा पेट्रोल पंपा समोर चार चाकी वाहन क्रमांक MH 15 HU 1226 पलटी होऊन तीन जण गंभीर जखमी झाले आहेत घटनेची माहिती समजतात सामाजिक कार्यकर्ते संजय कोठारी यांनी आपली रुग्णवाहिका स्वतः घेऊन गेले असता जखमींना तात्काळ जामखेड येथे खाजगी दवाखान्यात दाखल केले त्यांचे प्राण वाचवले
यावेळी सचिन गाडे, विशाल ढवळे, तनवीर मुलानी आदींनी सहकार्य केले गाडीमध्ये एकूण चार जण होते हे सावरगाव घाट येथून पुण्याला नोकरी निमित्त चालले होते यांच्या समवेत रोहित महादेव झिंजुरके हा या मुलांसोबत होता हा किरकोळ जखमी झाला आहे तो शुद्धी मध्ये आहे व्यवस्थित आहे.
यावेळी बोलताना पोलीस प्रवीण इंगळे म्हणाले मी सुराणा पेट्रोल पंप वर गेलो असता माझ्यासमोर हा अपघात झाला मी सामाजिक कार्यकर्ते संजय कोठारी यांना फोन केल्या बरोबर पाचच मिनिटात कोठारी हे आपली रुग्णवाहिका घेऊन घटनास्थळी दाखल झाले त्यांनी आभार मानले.
